Author: નોબત સમાચાર
ગુજરીબજારમાંથી આઠ મોબાઈલ સેરવનાર ત્રણ મહિલા ઝડપાઈઃ સત્તર મોબાઈલ કબજે
ફેસ ટેગર એપમાં સર્ચ કરાતા ત્રણેય મહિલાનો નીકળી પડ્યો ગુન્હાહિત ઈતિહાસઃ
જામનગર તા.૭ ઃ જામનગરના સાતરસ્તા નજીક ભરાતી ગુજરીબજારમાંથી ગયા સપ્તાહે એક વિદ્યાર્થિની સહિત આઠ વ્યક્તિના મોબાઈલ ચોરાઈ ગયા હતા. તેની તપાસ દરમિયાન પોલીસે પ્રદર્શન મેદાન પાસેથી ત્રણ શંકાસ્પદ મહિલાને પકડી તલાશી લેતાં સત્તર મોબાઈલ સાંપડ્યા હતા. તે પછી આ મહિલાઓની ફેસ ટેગર એપથી ખરાઈ કરાતા આ મહિલાઓ અગાઉ પણ કેટલાક ગુન્હાઓમાં સંડોવાયેલી હોવાનું ખૂલ્યું છે. પોલીસે રૃા.૧ લાખ ઉપરાંતના તમામ ચોરાઉ મોબાઈલ કબજે કરી ત્રણેયની ઘનિષ્ઠ પૂછપરછ હાથ ધરી છે.
જામનગરના સાતરસ્તા નજીકના પ્રદર્શન મેદાનમાં ભરાતી ગુજરીબજારમાં ખરીદી માટે આવેલા એક વિદ્યાર્થિની સહિત આઠ વ્યક્તિના મોબાઈલ સેરવાઈ ગયાની પોલીસમાં ફરિયાદ થયા પછી તેની ચાલી રહેલી તપાસમાં સિટી-એ ડિવિઝનના સર્વેલન્સ સ્ટાફના રવિ શર્મા, વિજય કાનાણી, ઋષિરાજસિંહને બાતમી મળી હતી કે, પ્રદર્શન મેદાનમાં નહેરના કાંઠા પાસે ત્રણ મહિલા શંકાસ્પદ હાલતમાં ફરી રહી છે.
તે બાતમીથી પીઆઈ એમ.બી. ગજ્જરને વાકેફ કરાયા પછી પીએસઆઈ બી.એસ. વાળાના વડપણ હેઠળ ધસી ગયેલા પોલીસ સ્ટાફે નહેરના કાંઠા પાસે બેસેલી ત્રણ મહિલા તથા તેમની પાસે પડેલો થેલો કબજે કર્યા હતા. થેલામાંથી જુદી જુદી કંપનીઓના કુલ સત્તર મોબાઈલ મળી આવ્યા હતા. અંદાજે રૃા.૧ લાખ ૧૬ હજારના તે મોબાઈલ પોલીસે કબજે કરી આ ત્રણેય મહિલાને પોલીસ મથકે ખસેડી હતી.
રાજકોટમાં આજી ડેમ ચોકડી પાસે રહેતી મૂળ ગોંડલની પૂજા રાજુભાઈ સોલંકી, ભાવુ જય સોલંકી તથા કમુ તુલસીભાઈ રાઠોડ નામની ત્રણેય દેવીપૂજક મહિલાઓની પૂછપરછ કરાતા અને ફેસ ટેગર એપ્લિકેશન મારફત ત્રણેયના ફોટાઓને સર્ચ કરી પોલીસે ઈ-ગુજકોપ એપ્લિકેશનની પણ મદદ મેળવતા ત્રણેય મહિલા ગુન્હાહિત ઈતિહાસ ધરાવતી હોવાનું ખૂલ્યું હતું. તેથી પોલીસે પૂછપરછ સઘન બનાવતા આ મહિલાઓએ થોડા દિવસ પહેલા ગુજરી બજારમાંથી આઠ મોબાઈલ સેરવી લીધાની કબૂલાત આપવા ઉપરાંત અન્ય નવ મોબાઈલ પણ ચોરાઉ હોવાનું કબૂલતા પોલીસે તમામ મોબાઈલ ઝબ્બે લઈ આરોપી મહિલાઓના રિમાન્ડની તજવીજ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
