Author: નોબત સમાચાર
વેચાણ માટે મંગાવવામાં આવેલી શરાબની અડસઠ બોટલ ઝબ્બેઃ પિતા-પુત્ર સામે ગુન્હો
અન્ય બે સ્થળેથી બે બોટલ પકડાઈઃ
જામનગર તા.૭ ઃ જામનગરના રાજપાર્ક પાસે આવેલા કૈલાશપાર્કમાં એક મકાનમાંથી પોલીસે વેચાણ માટે રાખવામાં આવેલી અંગ્રેજી શરાબની અડસઠ બોટલ કબજે કરી છે. ઝડપાયેલા આરોપીએ પોતાના પુત્ર સાથે મળી તે જથ્થો મંગાવ્યો હોવાની કબૂલાત કરી છે. જ્યારે દરેડ જીઆઈડીસી તથા સોયલ ટોલનાકા પાસેથી બે શખ્સ બે બોટલ સાથે ઝડપાઈ ગયા છે.
જામનગરના રાજપાર્ક વિસ્તારમાં આવેલા કૈલાશ પાર્ક નજીક એક એપાર્ટમેન્ટ પાસે મકાનમાં અંગ્રેજી શરાબનો જથ્થો રાખવામાં આવ્યો હોવાની બાતમી પરથી ગઈકાલે રાત્રે સિટી-બી ડિવિઝનના સ્ટાફે રિલાયન્સ પેટ્રોલપંપ વાળા ઢાળીયા નજીક આવેલા કૈલાશ પાર્ક સ્થિત રઘુવીરસિંહ રણજીતસિંહ જાડેજાના મકાનમાં રેઈડ કરી હતી.
તે મકાનની તલાશી લેવાતા ત્યાંથી ભારતીય બનાવટના અંગ્રેજી શરાબની અડસઠ બોટલ મળી આવી હતી. પોલીસે રૃા.૩૪ હજારની બોટલ કબજે કરી આરોપી રઘુવીરસિંહની ધરપકડ કરી છે. આ શખ્સે ઉપરોક્ત જથ્થો વેચાણ માટે ગિરીરાજસિંહ રઘુવીરસિંહ જાડેજા સાથે મળી લાવ્યો હોવાની કબૂલાત કરી છે. પોલીસે બંને પિતા-પુત્ર સામે ગુન્હો નોંધ્યો છે.
જામનગરના દરેડ જીઆઈ ડીસી-ફેસ-૨માંથી ગઈકાલે સાંજે પસાર થતાં શાસ્ત્રીનગર વાળા સહદેવસિંહ વિક્રમસિંહ જાડેજા નામના શખ્સને રોકી પોલીસે ચેક કરતા તેના કબજામાંથી શરાબની બોટલ મળી આવી હતી.
ધ્રોલ નજીકના સોયલ ગામ પાસે ટોલનાકા નજીક ગાંઠીયાની રેંકડી પાસેથી ગઈકાલે ધ્રોલનો વિમલ અંબાલાલ ગોંડલીયા નામનો શખ્સ મળી આવ્યો હતો. તેની તલાશી લેવાતા શરાબની બોટલ સાંપડી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
