દેવભૂમિ દ્વારકાના સાયબર ક્રાઈમ પોલીસ મથકનું ગૃહમંત્રી દ્વારા કરાયું ઈ-લોકાર્પણ

Author: નોબત સમાચાર

દેવભૂમિ દ્વારકાના સાયબર ક્રાઈમ પોલીસ મથકનું ગૃહમંત્રી દ્વારા કરાયું ઈ-લોકાર્પણ

એક પીઆઈ, પીએસઆઈ, બાર પોલીસકર્મીનું મહેકમઃ

જામનગર તા. ૧ઃ દેવભૂમિ દ્વારકાના સાયબર ક્રાઈમ પોલીસ સ્ટેશનનું ગઈકાલે રાજ્યના ગૃહમંત્રીએ ઈ-લોકાર્પણ કર્યું હતું. આ પોલીસ મથકમાં એક પીઆઈ, એક પીએસઆઈ, બાર પોલીસ કર્મીનું મહેકમ છે. ગયા વર્ષે નોંધાયેલા ૨૩ ગુન્હામાં ૨૫ આરોપીની ધરપકડ કરાઈ હતી.

રાજ્યના ગૃહમંત્રી હર્ષ સંઘવીના હસ્તે શનિવારે દાહોદ જિલ્લાથી દેવભૂમિ દ્વારકા જિલ્લાના સાયબર ક્રાઈમ પોલીસ સ્ટેશનનંં ઈ-લોકાર્પણ કરવામાં આવ્યું હતું. આ પ્રસંગે પોલીસવડા નિતેશ પાંડેય, નાયબ પોલીસ અધિક્ષક હાર્દિક પ્રજાપતિ, પ્રોબે. ડીવાયએસપી જે.પી. નલવાયા તથા અન્ય અધિકારીઓ હાજર રહ્યા હતા.

દેવભૂમિ દ્વારકા સાયબર ક્રાઈમ સેલ દ્વારા ૨૦૨૩ના વર્ષ દરમિયાન ૨૩ ગુન્હાઓ દાખલ કરવામાં આવ્યા છે. જેમાં અત્યાર સુધીમા ૨૫ આરોપીની ધરપકડ કરી કાયદેસરની કાર્યવાહી કરવામાં આવી છે. લોન ફ્રોડ, હોટલ બુકીંગ, ન્યૂડ વીડિયો કોલીંગ, શોપીંગ ફ્રોડ જેવા ગુન્હાનોનું ડીટેક્શન કરવામાં આવ્યું છે. સાયબર પોલીસ સ્ટેશનમાં એક પીઆઈ, એક ટેકનિકલ પીએસઆઈ, બાર પોલીસ કર્મચારીની નિમણૂક કરવામાં આવી છે.

જો આપને આ પોસ્ટ ગમી હોય તો શેર કરો...