Author: નોબત સમાચાર
બે મોબાઈલ સાથેના પડી ગયેલા મહિલાના પર્સને શોધી આપતી 'બી' ડિવિઝન પોલીસ
કમાન્ડ કંટ્રોલ સેન્ટરના કેમેરાની લેવાઈ મદદઃ
જામનગર તા. ૧ઃ જામનગરના પંડિત નહેરૃ માર્ગ પર સપ્તાહ પહેલા એક મહિલાનું બે મોબાઈલ, કિંમતી કાગળો સાથેનું પર્સ ક્યાંક પડી ગયું હતું. તેઓએ પોલીસની મદદ મેળવતા તેમને પર્સ શોધી આપવામાં આવ્યું છે.
જામનગરના પટેલકોલોની વિસ્તારમાં રહેતા વીણાબેન દયાશંકરભાઈ પંડયા નામના મહિલા સાતેક દિવસ પહેલા ડીકેવી કોલેજથી પંચવટી તરફ જતા હતા ત્યારે માર્ગમાં તેમનું પર્સ ક્યાંક પડી ગયું હતું.
તેમના પર્સમાં વન પ્લસ તથા રેડમી કંપનીનો મોબાઈલ તેમજ અગત્યના ડોક્યુમેન્ટ હતા. પર્સ શોધવા માટે તેઓએ શોધખોળ કરી હતી પરંતુ પર્સ ન મળતા આખરે તેઓએ પોલીસને જાણ કરી હતી. સિટી-બી ડિવિઝનના પીઆઈ એચ.પી. ઝાલાએ તે મહિલાને મદદ કરવા માટે સૂચના આપી હતી. જેના પગલે પો.કો. બળભદ્રસિંહ, મયુરરાજસિંહે તે વિસ્તારના કમાન્ડ કંટ્રોલ સેન્ટરના સીસીટીવીના ફૂટેજ ચકાસ્યા હતા. જેમાં આ પર્સના સગડ મળ્યા હતા. તે પર્સ પરત મેળવી આ મહિલાને સોંપી આપવામાં આવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
