Author: નોબત સમાચાર
જામનગરના જીવાપરમાંથી ગંજીપાના વડે જુગાર રમતા સાત મહિલા પકડાયા
નગરમાંથી ઘોડીપાસા વડે જુગાર રમતા છ ઝડપાયાઃ
જામનગર તા. ૧ઃ જામનગરના પટ્ટણીવાડ પાસેના ચમારવાસમાં ઘોડીપાસા વડે જુગાર રમતા બે શખ્સ તથા પુનીતનગરમાં ઘોડીપાસાથી પૈસાની હારજીત કરતા ચાર શખ્સ ઝડપાયા છે. જ્યારે જામનગર નજીકના જીવાપરમાંથી સાત મહિલા ગંજીપાના વડે જુગાર રમતા મળી આવ્યા છે.
જામનગરના પટ્ટણીવાડ વિસ્તારમાં ચમારવાસ પાસે શનિવારે સાંજે જાહેરમાં ઘોડીપાસા વડે જુગાર રમી રહેલા અબુ મહંમદહુસેન ખતાઈ તથા સુરેશ રમેશભાઈ બોરસરા નામના બે શખ્સને સિટી-એ ડિવિઝનના સર્વેલન્સ સ્ટાફના ખોડુભા તથા કરણસિંહ જાડેજાની બાતમીના આધારે પોલીસે પકડી પાડી રૃા.૧૧,૦૪૦ રોકડા તથા ઘોડીપાસા કબજે કર્યા છે.
જામનગરના ગાંધીનગર નજીકના પુનીતનગરમાં ગઈકાલે સાંજે ઘોડીપાસા વડે જુગાર રમતા રમેશ સેભાભાઈ પરમાર, વિજય હરસુખભાઈ મકવાણા, રાહુલ જશરાજ પરમાર, સંજય રમેશભાઈ સોલંકી નામના ચાર શખ્સને સિટી-બી ડિવિઝનના સર્વેલન્સ સ્ટાફે પકડી પાડી રૃા.૩૧૬૦ કબજે કર્યા છે.
જામનગર તાલુકાના જીવાપર ગામમાં ગઈકાલે બપોરે જુગાર રમાતો હોવાની બાતમી સિક્કા પોલીસ સ્ટેશનના જયપાલસિંહ તથા દિલીપસિંહને મળતા પીઆઈ આર.ડી. રબારીને વાકેફ કર્યા પછી પીએસઆઈ એ.વી. સરવૈયાના વડપણ હેઠળ પોલીસે દરોડો પાડ્યો હતો.
આ સ્થળેથી ગંજીપાના વડે જુગાર રમતા ગુલબાનુબેન કિશોરભાઈ મીણસાણીયા, અમીનાબેન સમીરઅલી કાનાણી, રસીદાબેન અનવર મુખીડા, અલમાસબેન મનોજભાઈ મીણસાણીયા, રસીદાબેન રજબઅલી મીણસાણીયા, રેશ્માબેન અનિલભાઈ કાનાણી નામના સાત મહિલા મળી આવ્યા હતા. પોલીસે પટમાંથી રૃા.૧૦,૪૯૦ કબજે લીધા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
