Author: નોબત સમાચાર
ધરારનગર તથા મસીતિયામાં ગંજીપાના વડે જુગાર રમતા આઠ શખ્સ ઝડપાયા
બેડીમાંથી વર્લીબાજ પકડાયોઃ
જામનગર તા. ૨૫ઃ જામનગરના ધરારનગર-૧ તેમજ મસીતીયા ગામમાં ગઈકાલે ગંજીપાના વડે જુગાર રમતા આઠ શખ્સને પોલીસે પકડી પાડી કુલ રૃા.૩૯,૯૯૦ કબજે લીધા છે. જ્યારે બેડીમાં એક શખ્સ વર્લીનું બેટીંગ લેતો ઝડપાયો છે.
જામનગરના ધરારનગર-૧ વિસ્તારમાં ગઈકાલે સાંજે જુગાર રમાતો હોવાની બાતમી પરથી સિટી-બી ડિવિઝનના સ્ટાફે કાપડ મીલ પાસે દરોડો પાડ્યો હતો. ત્યાંથી અલ્તાફ હબીબ મોવર, અસગર કરીમ કટીયા તથા આફતાબ મજીદ જોખીયા નામના શખ્સ ગંજીપાના કૂટતા મળી આવ્યા હતા. પોલીસે પટમાંથી રૃપિયા ૧૦,૧૯૦ કબજે કર્યા છે.
જામનગર તાલુકાના મસીતીયા ગામમાં ગઈકાલે બપોરે તીનપત્તી રમી રહેલા હબીબ કાસમ ખફી ઉર્ફે બીબા, હાજી હબીબ ગુઢાણી, વિરમલ ચમનભાઈ નાગપાલ, અરજણભાઈ મેરામણભાઈ કરમુર, બિપીન ધાનાભાઈ ગોહિલ નામના પાંચ શખ્સ ઝડપાઈ ગયા હતા. પોલીસે પટમાંથી રૃા.૨૯,૮૦૦ રોકડા કબજે કરી તમામ સામે જુગાર ધારાની કલમ-૧૨ હેઠળ ગુન્હો નોંધ્યો છે.
જામનગરના બેડી વિસ્તારમાં આવેલા ઈકબાલ ચોકમાં ગઈકાલે સાંજે વર્લીના આંંકડા લખી જુગાર રમાડતા અસલમ સીદીક કકલ નામના શખ્સને પોલીસે પકડી પાડ્યો છે. તેના કબજામાંથી વર્લીના આંકડા લખેલી ચિઠ્ઠી, રોકડ કબજે લેવાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
