Author: નોબત સમાચાર
પપ્પુ યાદવને એક વર્ષની જેલ અને ૧૦ હજારના દંડની સજા
જેલમાં મોબાઈલ અને ઈયરફોન રાખવા પડ્યા મોંઘાઃ
નવી દિલ્હી તા. રપઃ પૂર્વ સાંસદ પપ્પુ યાદવને એક વર્ષની જેલની સજા થઈ છે. ૧૯ વર્ષ પછી આ મામલે એક વર્ષની સજા અને ૧૦ હજારના દંડની સજા ફરમાવાઈ છે.
ન્યાયિક કસ્ટડી દરમિયાન બેઉર જેલમાં ઈયર ફોન અને મોબાઈલ રાખવા મામલે એમપી-એલએલએની વિશેષ અદાલતે આરોપી પૂર્વ સાંસદ રાજેશ રંજન ઉર્ફે પપ્પુ યાદવને સજા સંભળાવી છે. પપ્પુ યાદવને દોષી ઠેરવતા કોર્ટે તેને એક વર્ષની જેલ અને ૧૦ હજાર રૃપિયાના દંડની સજા ફટકારી છે. આ કેસ ર૦૦૪ નો છે, જ્યારે પપ્પુ યાદવને ગુનાહિત કેસમાં ન્યાયિક કસ્ટડી હેઠળ બેઉર જેલમાં બંધ હતો. પોલીસ પ્રશાસને જેલના નિરીક્ષણ દરમિયાન ૮ ડિસેમ્બરે બેઉર જેલમાં દરોડા પાડ્યા હતાં. ત્યારે પપ્પુ યાદવ પાસેથી ઈયરફોન મોબાઈલ ફોન મળી આવ્યા હતાં.
આ મામલે ફુલવારીશરીફ પોલીસ સ્ટેશનમાં એક ગુનાહિત મામલો દાખલ કરવામાં આવ્યો હતો. આ મામલો સાચો હોવાનું જણાતા પોલીસે ચાર્જશીટ દાખલ કરી હતી. આ મામલે વિશેષ ન્યાયિક મેજિસ્ટ્રેટે આરોપી પપ્પુ યાદવને દોષી ઠેરવતા સજા સંભળાવી છે. વિશેષ અદાલતે સજા સામે અપીલ દાખલ કરવા માટે પપ્પુ યાદવને કામચલાઉ જામીન પર મુક્ત કર્યો હતો. બીજી તરફ ર૦૧૮ ના એક ગુનાહિત મામલે પુરાવાના અભાવે વિશેષ અદાલતે આરોપી પૂર્વ સાંસદ રાજેશ રંજન ઉર્ફે પપ્પુ યાદવને નિર્દોષ જાહેર કર્યો હતો. ગુનાહિત મામલો રાજેન્દ્રનગર સ્ટેશન પર ગેરકાયદેસર મેળાવડો કરી અને ધરણાં-પ્રદર્શન સાથે સંબંધિત હતો. વર્ષ ર૦૧૮ માં રેલવે પોલીસે પૂર્વ સાંસદ પપ્પુ યાદવ વિરૃદ્ધ એફઆઈઆર નોંધી હતી અને કેસ સાચો હોવાનું માલુમ પડતા વિશેષ અદાલતમાં ચાર્જશીટ દાખલ કરી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
