Author: નોબત સમાચાર
કાલાવડના નપાણીયા ખીજડિયામાં તલાટી-મંત્રીને ફડાકો ઝીંકી દેવાયો
મોટી માટલીમાં પિતા-પુત્ર પર બે શખ્સનો હલ્લોઃ
જામનગર તા. ૨૫ઃ કાલાવડના મોટી માટલી ગામમાં ગઈકાલે બે શખ્સે કુંડલી વાળી લાકડી તથા પાઈપથી પિતા-પુત્ર પર હુમલો કરી માર માર્યાે હતો. પિતાને હેમરેજ થઈ ગયું છે. જ્યારે નપાણીયા ખીજડિયા ગામમાં તલાટી-કમ-મંત્રીને એક શખ્સે રોકાયેલા બીલના મુદ્દે ફડાકો ઝીંકી ફરજમાં રૃકાવટ કરી હતી.
કાલાવડ તાલુકાના મોટી માટલી ગામના ભાણાભાઈ રતાભાઈ ઠુંગા તથા તેમના પુત્ર ગોપાલ ઠુંગા ગઈકાલે સાંજે આલરવ માણસુર ચારણ અને સોમા માણસુર ચારણ નામના બે શખ્સે લાકડી, પાઈપ વડે હુમલો કરી માર માર્યાે હતો. જેમાં ભાણાભાઈને હેમરેજ થઈ ગયું હતું. તેઓએ કાલાવડ ગ્રામ્ય પોલીસ મથકમાં ફરિયાદ નોંધાવી તેમાં જણાવ્યું છે કે, તેમનો પુત્ર ગોપાલ હુમલા ખોરના ભાઈ રામજીભાઈનો ટ્રક લઈને મગફળીનો ભૂક્કો ભરવા ગયો હતો. ત્યારે આલરવ આવી ચઢયો હતો.
આ શખ્સે પોતાને ટ્રક ચલાવતા આવડતું ન હોવા છતાં ટ્રક ચલાવવાની જીદ્દ કરતા અને ગોપાલે ના પાડતા બોલાચાલી થઈ હતી. તેની જાણ થતાં ગોપાલના પિતા ભાણાભાઈ પહોંચ્યા હતા. તેથી આલરવ અને સોમા ચારણે કુંડલીવાળી લાકડીથી હુમલો કરી માર માર્યાે હતો.
લાલપુર તાલુકાના ચોરબેડી ગામના વતની અને હાલમાં કાલાવડના ધુનધોરાજીમાં રહેતા અને નપાણીયા ખીજડિયા ગામમાં તલાટી-કમ-મંત્રીની ફરજ બજાવતા મિલનભાઈ નારણભાઈ વસરા પર ગઈકાલે બપોરે નપાણીયા ખીજડિયા ગામના હરેશ ભાલાળા નામના શખ્સે હુમલો કરી ફડાકાવાળી કરી હતી અને જાનથી મારી નાખવાની ધમકી આપી હતી.
ગઈકાલે તલાટી મિલનભાઈ પોતાની ફરજ પર હતા ત્યારે ગ્રામ પંચાયત કચેરીમાં ધસી આવેલા હરેશે પોતાના અગાઉના કામનું બીલ કેમ રોકયું છે તેમ કહી ધમાલ કરતા મિલનભાઈએ શાંતિથી વાત કરવાનું કહેતા ઉશ્કેરાયેલા હરેશે ફરજમાં રૃકાવટ કરી ગાળો ભાંડ્યા પછી ફડાકા ઝીંકયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
