Author: નોબત સમાચાર
જામનગર (લાખાબાવળ)ની અક્ષરપ્રીત ફાર્મસી કોલેજને એક લાખનો દંડ
માસ કોપી કેસ મામલે
જામનગર તા. રપઃ જામનગર નજીકના લાખાબાવળ સ્થિત વિવાદાસ્પદ અક્ષરપ્રીત ફાર્મસી કોેજમાં માસ કોપી કેસમાં કોલેજને એક લાખનો દંડ કરવામાં આવ્યો છે, તો ૧ર વિદ્યાર્થીઓને એક વર્ષ ભાટે ડીબાર્ડ કરાયા છે.
ગત્ ઓગસ્ટ માસમાં સમર, સેમેસ્ટરની જીટીયુ દ્વારા પરીક્ષા લેવામાં આવી હતી. જેમાં બી-ફાર્મ સેમ-૩ ની પરીક્ષામાં ૯ મી ઓગસ્ટે માસ કોપી કેસની ઘટના જામનગરના લાખાબાવળ ગામની અક્ષરપ્રીત ફાર્મસી કોલેજમાં નોંધાઈ હતી.
પરીક્ષા પૂર્ણ થયા પછી સીસી ટીવી રેકોર્ડીંગના કૂટેજની ચકાસણી કરવામાં આવતા માસ કોપી કેસનો મામલો પ્રકાશમાં આવ્યો હતો.
કેટલાક વિદ્યાર્થીઓ કાપણીની આપ-લે કરતાં, અને ચોરી કરતા નજરે ચઢ્યા હતાં. આથી તમામ ૧ર વિદ્યાર્થીઓ સામે માસ કોપી કેસ નોંધવામાં આવ્યો હતો.
આ અંગેની સુનાવણી પછી જી.ટી.યુ. દ્વારા કોલેજને એક લાખનો દંડ ફટકારવામાં આવ્યો છે, જ્યારે ૧ર વિદ્યાર્થીઓને તમામ વિષયનું પરિણામ રદ્ કરી નાંખવામાં આવ્યું તથા તેમને એક સેમ. માટે ડીબાર્ડ કરી દેવાયા છે. ઉપરાંત જી.ટી.યુ. દ્વારા સિનિયર સુપરવાઈઝર, જુનિયર સુપરવાઈઝર, સેન્ટર ઈન્ચાર્જ, જી.ટી.યુ. કો-ઓર્ડિનેટર સહિતનાઓનું મહેનતાણું રોકી દેવામાં આવ્યું છે.
આ કોલેજને હવે આગામી બે વર્ષ માટે પરીક્ષા સેન્ટર ફાળવવામાં આવશે નહીં. આગામી પરીક્ષામાં કોલેજે હવે પોતાના ખર્ચે વિદ્યાર્થીઓને અન્ય સેન્ટરમાં પરીક્ષામાં લેવા-મૂકવાની વ્યવસ્થા ગોઠવવી પડશે.
આમ જી.ટી.યુ. દ્વારા માસ કોપી કેસ મામલે જામનગર (લાખાબાવળ)ની અક્ષરપ્રીત ફાર્મસી કોલેજ સામે આકરા પગલાં ભરવામાં આવતા શિક્ષણ જગતમાં ચર્ચા જાગી છે તથા આ કોલેજમાં એડમિશન લેતા પહેલા હવે વિદ્યાર્થીને સો વખત વિચાર કરવો પડશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
