Author: નોબત સમાચાર
લાલપુર સામૂહિક આરોગ્ય કેન્દ્રની સરપ્રાઈઝ મુલાકાત લેતા ધારાસભ્ય હેમંતભાઈ ખવા
જામનગર તા. રપઃ લાલપુર-જામજોધપુર વિધાનસભા વિસ્તારના આમ આદમી પાર્ટીના ધારાસભ્ય હેમંતભાઈ ખવાએ લાલપુરના સામૂહિક આરોગ્ય કેન્દ્રની સરપ્રાઈઝ મુલાકાત લઈ કેન્દ્રમાં ખૂં ટતી સુવિધાઓ અંગે ડોક્ટરોની ટીમ સાથે ચર્ચા કરી હતી.
ડોક્ટરોની ટીમ દ્વારા હોસ્પિટલના ડાયાલિસીસ વિભાગમાં જનરેટર સેટ, ડિજિટલ એક્સ-રે મશીન, લેબ માટે બાયો કેમેસ્ટ્રી મશીન વગેરે સાધનોની ઉણપ હોવાની રજૂઆત કરવામાં આવી હતી. અત્રે ઉલ્લેખનિય છે કે, આ અગાઉ હેમંતભાઈ ખવાએ સામૂહિક આરોગ્ય કેન્દ્રની મુલાકાત લીધી હતી અને તેમના પ્રયાસો અને રજૂઆતથી હોસ્પિટલમાં ઓક્સિજન પ્લાન્ટનું ઈન્સ્ટોલેશન, પાણીની મોટર, આર.ઓ. પ્લાન્ટના કામો પૂર્ણ થયા હતાં.
હાલ હોસ્પિટલમાં તબીબી અધિકારી વર્ગ-ર, ફાર્માસિસ્ટ, વોર્ડ આયા અને વોર્ડ સર્વન્ટની ઘટ છે જે બાબતે ધારાસભ્ય દ્વારા અગાઉ તા. ૧૮-૧-ર૦ર૩ ના પત્ર દ્વારા આરોગ્ય મંત્રીને રજૂઆત કરી હતી. ત્યારપછી ગાંધીનગરમાં રૃબરૃ મુલાકાત લઈ આ બાબતે આરોગ્ય મંત્રીને રજૂઆત કરેલ છે તેમ છતાં સરકાર દ્વારા હાલ સુધી કોઈ નક્કર પગલાં લેવામાં આવ્યા નથી. હાલ લાલપુર સામૂહિક આરોગ્ય કેન્દ્રમાં તબીબી અધિકારી વર્ગ-ર ની મંજુર ત્રણ જગ્યાઓના મહેકમ સામે માત્ર એક જ જગ્યા ભરેલ છે. આ પરથી સ્પષ્ટ લાગી રહ્યું છે કે, લોકોના આરોગ્યની સરકારને કોઈ જ ખેવના નથી. આથી આવનાર દિવસોમાં સ્ટાફની ઘટ બાબતે તેમજ હોસ્પિટલમાં ઘટતી સુવિધાઓ અંગે આરોગ્ય મંત્રીને રજૂઆત કરી વહેલામાં વહેલી તકે સુવિધાઓ અને સ્ટાફ પૂરો પાડી શકાય તેવા પ્રયાસો કરવામાં આવશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
