Author: નોબત સમાચાર
મોટરનો કાવો મારનાર વ્યક્તિને ટપારાતા બાલંભડીના યુવાન પર પાંચ શખ્સનો હુમલો
બે શખ્સે છરી બતાવ્યાની પોલીસમાં ફરિયાદઃ
જામનગર તા. ૪ઃ જામનગર-ખંભાળિયા રોડ પર આમરા ગામના પાદરમાં મંગળવારની રાત્રે એક મોટરે કાવો મારતા બાલંભડી ગામના યુવાને મોટરચાલકને ટપારતા તેમના પર પાંચ શખ્સે હુમલો કરી ઢીકાપાટુથી માર માર્યાે હતો અને બે શખ્સે છરી બતાવી હતી.
જામનગર-ખંભાળિયા ધોરીમાર્ગ પર આવેલા આમરા ગામ નજીકના બાલંભડી ગામમાં પાદરવાળી શેરીમાં રહેતા અજયસિંહ ખુમાનસિંહ જાડેજા નામના યુવાન મંગળવારે રાત્રે સાડા આઠેક વાગ્યે મોટી ખાવડીમાં પોતાના કામસર આવ્યા પછી પરત જવા માટે નીકળ્યા હતા.
તેઓ જ્યારે આમરા તરફ આગળ વધી રહ્યા હતા ત્યારે સફેદ રંગની નંબર પ્લેટ વગરની એક મોટર તેમની આગળ જઈ કાવો મારી દોડવા માંડી હતી. આ મોટર પાસે જઈ અજયસિંહે સરખી રીતે ડ્રાઈવીંગ કરવાનું કહેતા સફેદ રંગની મોટરમાંથી ઉતરેલા જામનગર તાલુકાના ગાડુકા ગામના પ્રદીપસિંહ ગિરૃભા જાડેજા, લાલા ઉર્ફે ઢીંગલી તથા ત્રણ અજાણયા શખ્સે ગાળો ભાંડી અજયસિંહ પર હુમલો કરી માર માર્યાે હતો. પ્રદીપસિંહ તથા ઢીંગલીએ છરી બતાવી હતી અને અજાણ્યા શખ્સોએ ઢીકાપાટુથી માર માર્યાે હતો. આ બાબતની સિક્કા પોલીસ સ્ટેશનમાં અજયસિંહે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
