Author: નોબત સમાચાર
ખંભાળિયા-દ્વારકા તથા પોરબંદર બાયપાસ પર અકસ્માતો નિવારવા પોલીસના પ્રયાસ
બેરીકેડ મૂકવા સહિતના સ્પીડ કંટ્રોલના પ્રયત્નોઃ
ખંભાળિયા તા. ૪ઃ ખંભાળિયા સાથે જોડાયેલા દ્વારકા તથા પોરબંદર બાયપાસ પર સર્જાતા અકસ્માતોને નિવારવા માટે પોલીસ દ્વારા પ્રયત્નો શરૃ કરવામાં આવ્યા છે.
દેવભૂમિ દ્વારકા જિલ્લામાં ખંભાળિયા-દ્વારકા તથા પોરબંદર બાયપાસ રોડ પર વારંવાર નાના મોટા તથા ક્યારેક પ્રાણઘાતક અકસ્માતો પણ બનતા હોય છે. દ્વારકા જિલ્લા પોલીસવડા જયરાજસિંહ વાળા તથા ડીવાયએસપી વિસ્મય માનસેતાના માર્ગદર્શનમાં ખંભાળિયા ટ્રાફિક પીઆઈ ટી.ડી. ચુડાસમા તથા સ્ટાફ તેમજ ખંભાળિયા પોલીસ દ્વારા ખંભાળિયા-દ્વારકા તથા ખંભાળિયા-જામનગર રોડ પર દસેક કિ.મી.ના વિસ્તારમાં જ્યાં રસ્તાઓ એકઠા થતા હોય તથા જ્યાં ત્રણ-ચાર રસ્તા થતાં હોય તેવા તમામ સ્થળે લોખંડના બેરીકેડ નાખી સ્પીડ કંટ્રોલ થાય તથા ટ્રાફિકના સમયમાં પણ ત્યાં પુરઝડપે કોઈ વાહનો ન નીકળે, અકસ્માત ન થાય તેવી વ્યવસ્થા ગોઠવતા હાલ એકાદ સપ્તાહથી અકસ્માતોનો કોઈ બનાવ બન્યો નથી તેથી વાહનચાલકોમાં રાહતની લાગણી ફેલાઈ છે.
ખંભાળિયામાં જામનગર રોડ પર કંચનપુર પાસે, સિંહણ પાસે, કજુરડા પાસે, દ્વારકા રોડ પર હોસ્પિટલથી આગળ, પોરબંદર બાયપાસ તથા અગાઉ પણ ત્રણેક સ્થળે બેરીકેડ નાખતા જ્યાં ટ્રાફિક કે ત્રણ-ચાર રસ્તા ભેગા થવાનું સ્થળ હોય ત્યાં વાહનો ધીમા પડી જતા સ્પીડ બ્રેક થતાં અકસ્માતો ઓછા થયા છે તો હાઈવે પર ટ્રાફિક પોલીસે પેટ્રોલીંગ કરીને જે વાહનો રોંગ સાઈડમાં જતા હોય તેમની સામે પણ પગલાં શરૃ કરતા તેનાથી પણ અકસ્માતોના બનાવો ઘટ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
