Author: નોબત સમાચાર
રણજીતસાગર રોડ પર સોસાયટીમાંથી મળી ડુપ્લીકેટ તમાકુની મીની ફેક્ટરી
એસઓજીએ લુસ તમાકુ, તમાકુના પાઉચ, પેકીંગ મશીન કર્યા ઝબ્બેઃ
જામનગર તા.૧૮ ઃ જામનગરના રણજીતસાગર રોડ પર આવેલી એક સોસાયટીમાં ગઈકાલે એસઓજીએ પૂર્વ બાતમીના આધારે દરોડો પાડી ડુપ્લીકેટ તમાકુની મીની ફેક્ટરી પકડી પાડી છે. ત્યાંથી લુસ તમાકુ, બાગબાન ૧૩૮ તમાકુના ૯૦૦ પાઉચ, પેકીંગ મશીન સહિતનો મુદ્દામાલ કબજે કરી એક શખ્સની અટકાયત કરી છે.
જામનગરના રણજીત સાગર રોડ પર આવેલી મંગલ દીપ સોસાયટીમાં એક મકાનમાં ડુપ્લીકેટ તમાકુનું ઉત્પાદન થઈ રહ્યું હોવાની બાતમી એસઓજીના મયુુદ્દીન સૈયદ, રમેશભાઈ ચાવડા, અરજણભાઈ કોડીયાતરને મળતા પીઆઈ બી.એન. ચૌધરીને વાકેફ કરાયા પછી ગઈકાલે સાંજે એસઓજી સ્ટાફે પીએસઆઈ જે.ડી. પરમારના વડપણ હેઠળ મંગલદીપ સોસાયટીની શેરી નં.રમાં આવેલા જીતેશ દેવરાજ હિરાણી ઉર્ફે જીતુ નામના શખ્સના મકાનમાં દરોડો પાડી તલાશી લીધી હતી.
આ મકાનમાંથી બાગબાન ૧૩૮ તમાકુના ડુપ્લીકેટ પાઉચનું કરાતું ઉત્પાદન ઝડપાઈ ગયું હતું. એસઓજીએ બાગબાન તમાકુ ૧૩૮ લખેલા ૯૦૦ પાઉચ તેમજ તમાકુનો એક કિલોનો જથ્થો, પાઉચ પેકીંગ કરવા માટે રાખવામાં આવેલું હાથ બનાવટનું ઈલેકટ્રીક મશીન, પેકીંગ માટેના પ્રિન્ટીંગ રોલ સહિત રૃા.૧,૦૯,૦૮૦નો મુદ્દામાલ કબજે કર્યાે છે.
આ શખ્સ સામે સિટી-એ ડિવિઝન પોલીસ સ્ટેશનમાં ગુન્હો રજીસ્ટર કરાવાયો છે. તે શખ્સ કેટલા સમયથી આવી રીતે નકલી તમાકુ બનાવતો હોવાની પૂછપરછ શરૃ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
