Author: નોબત સમાચાર
દેવભૂમિ દ્વારકા જિલ્લા કલેકટરે લીધી ભાણવડ તાલુકાના વિવિધ ગામોની મુલાકાત
આંગણવાડી, ગ્રામપંચાયતો, સ્કૂલો, મામલતદાર કચેરીમાં થતી કામગીરી નિહાળી
ખંભાળીયા તા. ૧૭: દેવભૂમિ દ્વારકા જિલ્લા કલેકટર રાજેશ તન્ના દ્વારા દ્વારકા જિલ્લાના ગ્રામ્ય વિસ્તારોની તથા સરકારી કચેરીઓની આકસ્મિક મુલાકાતની પ્રવૃત્તિઓના ભાગરૂપે તાજેતરમાં ભાણવડ તાલુકાના ગામો તથા શહેરની મુલાકાત લીધી હતી.
ભાણવડ તાલુકાના કબરકા ગામની મુલાકાત લીધી હતી તથા કબરકાની આંગણવાડીની મુલાકાત લઈને ઉપલબ્ધ સુવિધાઓનું નિરીક્ષણ કર્યું હતું. તથા કાર્યકરોને સૂચનો આપ્યા હતા. કબરકા પ્રાથમિક શાળાની મુલાકાત લઈને શિક્ષણની કામગીરી તથા બાળકો સાથે વાર્તાલાપ કર્યો હતો. કબરકા ગ્રામ પંચાયતની મુલાકાત લઈ દફતર ચકાસણી તથા સરપંચ તથા ગ્રામજનો સાથે વાર્તાલાપ તથા સરકારી કલ્યાણકારી યોજના અંગે ચર્ચા કરી હતી.
ભાણવડના રોજીવાડા ગામે પણ પ્રાથમિક શાળા તથા શાળામાં લાયબ્રેરીની સુવિધા નિહાળી બાળકો તથા ગ્રામજનો સાથે ચર્ચાઓ કરી હતી. તથા સાજડીયારી ગામે ગ્રામ પંચાયત દફતર ચકાસણી સાથે ગામની પ્રાથમિક શાળામાં થતા સ્માર્ટ ટીવી દ્વારા બાળકોને અપાતા શિક્ષણ અંગે માહિતી મેળવી હતી.
આ પછી તેમણે ભાણવડની મામલતદાર કચેરીની પણ મુલાકત લીધી હતી. તથા રેવન્યુની કામગીરીમી ઝીણવટભરી તપાસ કરીને લોકોના કામો સમયમર્યાદામાં થાય તથા સરકારની વિકાસલક્ષી યોજનાઓ છેવાડાના માનવી સુધી પહોંચે તે માટે પગલાં લેવા જણાવાયું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
