Author: નોબત સમાચાર
દુષ્કર્મના કેસમાં હાઈકોર્ટમાં ક્વોસીંગ પીટીશનઃ અટક ન કરવા, ચાર્જશીટ પહેલા મંજૂરી લેવા હુકમ
નિવેદન નોંધાયા પછી આરોપીની કસ્ટડીની જરૂર નથીઃ
જામનગર તા. ૧૭: જામનગરના જાણીતા ઉદ્યોગપતિ સામે એક મહિલાએ દુષ્કર્મ ગુજાર્યાની પોલીસમાં કરેલી ફરિયાદમાં હાઈકોર્ટમાં આરોપી પક્ષે ક્વોસીંગ પીટીશન દાખલ કરી હતી તેની સુનાવણી પછી હાઈકોર્ટે આજે આરોપીની હાલમાં અટકાયત ન કરવી અને ચાર્જશીટ પહેલાં પોલીસે કોર્ટની મંજૂરી મેળવવી તેવો હુકમ કર્યાે છે. ગયા સપ્તાહે હાજર થયેલા આરોપીના મોબાઈલ કબજે લેવાયા હતા અને નિવેદન નોંધાયું હતું. તે પછી આરોપીની પોલીસની કસ્ટડીમાં જરૂર ન હોવાની દલીલ કરાઈ હતી.
જામનગરના ઉદ્યોગપતિ વિશાલ મોદી સામે ગયા મહિને એક મહિલાએ અવારનવાર દુષ્કર્મ ગુજાર્યાની સિક્કા પોલીસ મથકમાં ફરિયાદ નોંધાવી હતી. લોન અંગેનું કામકાજ કરતા આ મહિલાને લોન લેવાની છે તેમ કહી પ્રોપર્ટી દેખાડવાના બહાને વિશાલ મોદીએ ખંભાળિયા ધોરીમાર્ગ પર એક વીલામાં લઈ જઈ કેફી પ્રવાહી પીવડાવી દુષ્કર્મ ગુજાર્યા પછી લાંબા સમય સુધી દુષ્કૃત્ય ગુજાર્યું હોવાનું ફરિયાદમાં જણાવ્યું હતું.
ઉપરોક્ત ચકચારી કિસ્સામાં આરોપીએ આગોતરા જામીન મેળવવા સેશન્સ કોર્ટમાં અરજી કર્યા પછી અરજી રદ્દ થતાં હાઈકોર્ટમાં અરજી કરી હતી. હાઈકોર્ટે તા.૧ર ડિસેમ્બરના દિને આરોપીને તપાસનીશ અધિકારી સમક્ષ પોતાના મોબાઈલ સાથે હાજર થવા હુકમ કર્યાે હતો અને તે હુકમ અન્વયે હાજર થયેલા વિશાલ મોદીના બે ફોન પોલીસે કબજે કરી એફએસએલમાં મોકલ્યા પછી અદાલતના આદેશ મુજબ વિશાલ મોદીનું નિવેદન નોંધ્યું હતું.
ત્યારપછી આરોપીએ ઉપરોક્ત ફરિયાદ સામે હાઈકોર્ટમાં ક્વોસીંગ પીટીશન દાખલ કરતા તેની સુનાવણીમાં રાજ્યની વડી અદાલતે આજે હુકમ કર્યાે છે કે, આરોપીની હાલમાં અટકાયત ન કરવી અને કોર્ટની મંજૂરી વગર પોલીસે ચાર્જશીટ રજૂ ન કરવંુ. અદાલતના આ આદેશથી આરોપીને રાહત મળવા પામી છે. આરોપી તરફથી વકીલ વી.એચ. કનારા રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
