બાલાચડી સૈનિક સ્કૂલનો શૈક્ષણિક પ્રવાસ

Author: નોબત સમાચાર

બાલાચડી સૈનિક સ્કૂલનો શૈક્ષણિક પ્રવાસ

૫ૂણે સહિતના સંરક્ષણ સંસ્થાઓની મુલાકાત

જામનગર તા. ૧૭: જામનગરની સૈનિક સ્કૂલ બાલાચડી દ્વારા સમયાંતરે કેડેટ્સને સંરક્ષણ દળોમાં જોડાવા માટે પ્રોત્સાહિત કરવા શૈક્ષણિક અને પ્રેરક પ્રવાસનું આયોજન કરવામાં આવે છે.

તાજેતરમાં શાળાએ નેશનલ ડિફેન્સ અકાદમી ખડકવાસલા પુણે, કોલેજ ઓફ મિલિટરી એન્જિનિયરિંગ, આર્મી ફિઝિકલ ટ્રેનિંગ ઇન્સ્ટિટ્યૂટ, એ.એફ.એમ.સી પુણે, આઈ.એન.એસ શિવાજી લોનાવાલા અને આર્મર્ડ કોર્પ્સ સેન્ટર એન્ડ સ્કૂલ, અહિલ્યાનગરનો પાંચ દિવસનો શૈક્ષણિક અને પ્રેરક પ્રવાસ યોજાયો હતો, જેમાં ધોરણ ૧૧ના ૩૫ કેડેટ્સ ડો. મહેશ બોહરા, સિનિયર માસ્ટર અને સુબેદાર કિશન દ્વારા એસ્કોર્ટ કરવામાં આવ્યા હતા. પ્રથમ દિવસે, કેડેટ્સે કમાન્ડન્ટની સમીક્ષા પરેડ જોઈ અને નેશનલ ડિફેન્સ એકેડેમી ખડકવાસલા, પુણે ખાતે વિવિધ તાલીમ ઈન્ફ્રાસ્ટ્રક્ચરની મુલાકાત લીધી.

કેડેટ્સ માટે આ એક ખાસ પ્રેરક ક્ષણ હતી કારણ કે,તેઓએ તે ભૂતપૂર્વ બાલાચડિયનો સાથે પણ વાતચીત કરી હતી .જેઓ હવે એનડીએમાં ઓફિસર્સની તાલીમ લઈ રહૃાા છે. પ્રવાસના બીજા દિવસે, કેડેટ્સે કોલેજ ઓફ મિલિટરી એન્જિનિયરિંગ, પુણેની મુલાકાત લીધી હતી. કેડેટ્સે કોમ્બેટ એન્જિનિયરિંગ અને સીબીઆરએન સંરક્ષણના મહત્વપૂર્ણ ક્ષેત્રોમાં તાલીમ સાથે કોર્પ્સ ઓફ એન્જિનિયર્સના કર્મચારીઓની તાલીમ કેવી રીતે હાથ ધરવામાં આવે છે તેનું જ્ઞાન મેળવ્યું. તે પછી આર્મી ઇન્સ્ટિટ્યૂટ ઑફ ફિઝિકલ ટ્રેઇનિંગની મુલાકાત લીધી, જ્યાં તેઓએ સ્વિમિંગ પૂલ, ઇન્ડોર બાસ્કેટબોલ અને વોલીબોલ કોર્ટ, જિમ્નેશિયમ અને યોગા સેન્ટર જોયા.

પ્રવાસના ત્રીજા દિવસે, કેડેટ્સે એ.એફ.એમ.સી પુણે અને રાષ્ટ્રીય યુદ્ધ સ્મારકની મુલાકાત લીધી હતી જ્યારે ચોથા દિવસે કેડેટ્સને લોનાવાલામાં આઈ.એન.એસ શિવાજીની મુલાકાત લેવાની તક મળી હતી જ્યાં કેડેટ્સને ભારતીય નૌકાદળમાં કારકિર્દીનો પરિચય કરાવવામાં આવ્યો હતો. તેમને ફાયર ફેસિલિટીઝ વિંગ અને મ્યુઝિયમની મુલાકાત પણ લેવામાં આવી હતી.

પ્રવાસના છેલ્લા દિવસે, કેડેટ્સે અહિલ્યાનગર સ્થિત આર્મર્ડ કોર્પ્સ સેન્ટર એન્ડ સ્કૂલની મુલાકાત લીધી જ્યાં તેમને ટેન્ક રાઈડનો આનંદ માણ્યો અને તેમને કેવેલરી ટેન્ક મ્યુઝિયમ લઈ જવામાં આવ્યા અને તેમણે અહિલ્યાનગર સ્થિત મિકેનાઇઝ્ડ ઇન્ફન્ટ્રી સેન્ટર અને સ્કૂલની પણ મુલાકાત લીધી અને પરત ફર્યા હતા.

જો આપને આ પોસ્ટ ગમી હોય તો શેર કરો...