Author: નોબત સમાચાર
વ્યાજખોરીના કેસમાં આગોતરા જામીન મેળવવા ત્રણ આરોપીએ કરેલી અરજી ફગાવાઈ
રૃા.૮૮ લાખ ચૂકવવા વેચી નખાઈ હતી ફેક્ટરીઃ
જામનગર તા.૧ ઃ જામનગરના એક કારખાનેદારે રૃા.૧પ લાખ સામે ત્રણ વ્યાજખોરને રૃા.૮૮ લાખ ચૂકવવા ફેક્ટરી વેચી નાખ્યાના બનાવમાં ત્રણેય આરોપીએ આગોતરા જામીન મેળવવા અરજી કરતા અદાલતે ફરિયાદપક્ષની દલીલો ગ્રાહ્ય રાખી ત્રણેય આરોપીની અરજીઓ રદ્દ કરી નાખી છે.
જામનગરની કામદાર કોલોનીમાં રહેતા ચંદ્રેશભાઈ કાબાભાઈ ૫ાંભરે સાત વર્ષ પહેલા આશિષ હસમુખભાઈ ફલીયા, જય હસમુખભાઈ ફલીયા, રાકેશ દિનેશભાઈ ફલીયા પાસેથી પાંચ ટકાના દરે રૃા.૧૫ લાખ વ્યાજે લીધા પછી ત્રણેય વ્યક્તિઓના પિતા તથા કાકાનું નિધન થતાં આ વ્યક્તિઓએ વ્યાજ વસૂલવાનું યથાવત રાખી વ્યાજ ન ચૂકવાય તો રોજના રૃા.૫૦૦ પેનલ્ટી લેખે વસૂલ્યા હતા.
આવી રીતે ચંદ્રેશભાઈએ મૂળ રકમ તથા વ્યાજ ચૂકવવા પોતાની ફેક્ટરી વેચીને રૃા.૮૮ લાખ ચૂકવી આપ્યા હોવા છતાં સિક્યુરિટીમાં પડેલા તેમના ત્રણ ચેકનો વ્યાજખોરોએ ઉપયોગ કરી ચંદ્રેશભાઈ સામે રૃા.૩૦ લાખના ચેક પરતની ફરિયાદ કરી હતી. આ બાબતની ચંદ્રેશભાઈએ પોલીસમાં ફરિયાદ કરતા આરોપી આશિષ ફલીયા, જય ફલીયા, રાકેશ ફલીયાએ આગોતરા જામીન મેળવવા અદાલતમાં અરજી કરી હતી.
તે અરજી અન્વયે આરોપીઓએ રજૂઆત કરી હતી કે, હાલમાં વ્યાજ અંગેની જે ઝંંુબેશ ચાલી રહી છે તેમાં ખોટા આક્ષેપ કરી ફરિયાદીએ પોલીસને હાથો બનાવી ફરિયાદ નોંધાવી છે. ફરિયાદીને આપવામાં આવેલી રકમ મુદ્દલ જ છે, તેમાં વ્યાજ નથી અને તે રકમ પણ મદદરૃપ થવાના આશયથી આપવામાં આવી હતી. તેની સામે ફરિયાદપક્ષે આરોપીઓને આગોતરા જામીન ન આપવા દલીલ કરી જણાવ્યું હતું કે, ફરિયાદી અને આરોપી કોઈ ધંધાર્થી જોડાયેલા નથી, એક જ્ઞાતિના નથી, પાડોશી નથી તો આ રકમ કઈ રીતે આપવામાં આવી હતી. અદાલતે બંને પક્ષની દલીલો સાંભળ્યા પછી ફરિયાદપક્ષની દલીલોને ગ્રાહ્ય રાખી આરોપીઓની આગોતરા જામીન અરજી રદ્દ કરવાનો આદેશ કર્યાે છે. ફરિયાદપક્ષ તરફથી વકીલ રાજેશ ગોસાઈ, વિશાલ જાની, એચ.આર. ગોહિલ, રજનીકાંત નાખવા, નિતેશ મુછડીયા રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
