Author: નોબત સમાચાર
કાકા સાથે ઘરેથી નીકળેલી તરૃણ વયની ભત્રીજીએ ઝેરી દવા પી કરી લીધી આત્મહત્યા
પિતાએ પુત્રીને તેડી જવા કરી હતી તજવીજઃ
જામનગર તા.૧ ઃ મધ્યપ્રદેશના વતની કાકા તથા ભત્રીજી પરિવારને જાણ કર્યા વગર જ વતનમાંથી નીકળી જઈ ધ્રોલના હાડાટોડામાં ખેતમજૂરીએ લાગી ગયા હતા. તે બાબતની તરૃણીના કાલાવડના બાંગા ગામમાં રહેતા પિતાને જાણ થતાં તેઓએ પુત્રીને તેડી જવા માટે તજવીજ કરતા પિતા પાસે ન જવા ઈચ્છતી પુત્રીએ વિષપાન કરી જિંદગીનો અંત આણી લીધો છે. આ બનાવે ભારે ચકચાર ફેલાવી છે.
ધ્રોલ તાલુકાના હાડાટોડા ગામમાં આવેલા મેઘરાજસિંહ જાડેજા નામના ખેડૂતના ખેતરમાં મજૂરીકામ માટે આવીને રહેતા મૂળ મધ્ય પ્રદેશના અલીરાજપુર જિલ્લાના અમજરી ગામના વતની રાધાબેન રાયસીંગભાઈ કનેશ નામના ચૌદ વર્ષના તરૃણી તથા તેના કુટુંબી કાકા પોતાના વતનમાંથી પરિવારને જાણ કર્યા વગર જ નીકળ્યા હતા.
આ તરૃણી તથા તે યુવક હાડાટોડામાં મજૂરી કરી રહેતા હોવાની જાણ રાધાબેનના પિતા અને કાલાવડ તાલુકાના બાંગા ગામમાં મજૂરીકામ કરતા રાયસીંગ રડતીયાભાઈ કનેશને થઈ હતી. તેથી તેને પોતાના કાકાને તેમનો પુત્ર અને પોતાની એટલે કે રાયસીંગ કનેશની પુત્રી હાડાટોડામાં હોવાની જાણ કરી હતી અને રાધાબેનને પોતાની પાસે આવી જવા કહેણ મોકલ્યું હતું પરંતુ રાધાબેને પિતા પાસે જવા માટે નારાજગી વ્યક્ત કરી હતી. તે દરમિયાન આ તરૃણીએ ઝેરી દવા ગટગટાવી લીધી હતી.
સારવારમાં ખસેડાયેલા રાધાબેનનું ગઈકાલે મૃત્યુ નિપજ્યું છે. બાંગા ગામથી દોડી આવેલા રાયસીંગભાઈએ પોલીસને જાણ કરી છે. આ બનાવે ચકચાર પ્રસરાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
