Author: નોબત સમાચાર
અલિયાબાડાના શ્રી દરબાર ગોપાલદાસ શિક્ષણ મહાવિદ્યાલયમાં કારકિર્દી માર્ગદર્શન
સેમિનારમાં ૯૮ વિદ્યાર્થીઓએ મેળવ્યું માર્ગદર્શનઃ
જામનગર તા.ર૬ ઃ જામનગર જિલ્લા રોજગાર કચેરી દ્વારા શ્રી દરબાર ગોપાલદાસ શિક્ષણ મહા વિદ્યાલય અલીયાબાડામાં કારકિર્દી અને રોજગારલક્ષી સેમિનારનું આયોજન કરવામાં આવ્યું હતું.
જેમાં મદદનીશ પ્રાધ્યાપક ડો. જીજ્ઞેશ એમ. લીમ્બાચીયા દ્વારા પ્રાસંગિક ઉદ્બોધન કરવામાં આવ્યું હતું. ત્યાર પછી રોજગાર કચેરીના કેરિયર કાઉન્સેલર અંકિતભાઈ ભટ્ટ દ્વારા અનુબંધમ પોર્ટલ વિશે માહિતી અને માર્ગદર્શન આપવામાં આવ્યું હતું. એપ્લીકેશન દ્વારા ઓન ધી સ્પોટ રજીસ્ટ્રેશન કરાવી રોજગાર કચેરીની કામગીરી રજીસ્ટ્રેશન પ્રક્રિયા અને ભરતી મેળાઓ વિશે પીપીટી દ્વારા વિશેષ માહિતી આપવામાં આવી હતી. સેમિનારના અંતમાં ઉચ્ચ અભ્યાસ અનુસ્નાતક માટે વિવિધ તકો અને રોજગારીની તકો વિશે વિસ્તૃત માર્ગદર્શન અંકિતભાઈ ભટ્ટ દ્વારા આપવામાં આવ્યું હતું.
સેમિનારના અંતે મદદનીશ પ્રાધ્યાપક ડો. પ્રશાંતભાઈ કે. ચૌહાણ દ્વારા આભાર દર્શન કરી સેમિનાર દરેક કોલેજમાં થાય અને વિદ્યાર્થીઓને તકો, કચેરી વિશે માહિતી તેમજ અનુબંધમ પોર્ટલનો ઉપયોગ થાય એવા ઉદ્બોધન સાથે સેમિનાર પૂર્ણ કરવામાં આવ્યો હતો. આ સેમિનારમાં ૯૮ ભાઈઓ-બહેનોને માહિતી માર્ગદર્શન પીપીટી દ્વારા પૂરૃ પડાયું હતું.
કાર્યક્રમમાં રોજગાર કચેરીના કેરિયર કાઉન્સેલર અંકિતભાઈ ભટ્ટ, આચાર્ય ડો. રૃપલબેન એસ. માંકડ, પ્રાધ્યાપક ડો. આશાબેન એમ. પટેલ, મદદનીશ પ્રાધ્યાપક ડો. પ્રશાંતભાઈ કે. ચૌહાણ, ડો. નિધિબેન ડી. અગ્રાવત અને કોલેજના વિદ્યાર્થીઓ ઉપસ્થિત રહ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
