Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
દુકાનદારની ₹ ૧ લાખ ૭ હજારની ઉઠાંતરીની રાવઃ
જામનગર તા.૧: જામનગરના રણજીતસાગર રોડ પર સુભાષ પાર્કમાં રવિવારની રાત્રે અનાજ કરિયાણાની પોતાની દુકાન વધાવી ઘેર ચાલ્યા ગયેલા વેપારી દિવસભરના રૃા.૧ લાખ ઉપરાંતના વપરાશનુું પર્સ દુકાનની બહાર ભૂલી ગયા હતા. તે યાદ આવતા પરત આવેલા વેપારીને પર્સ જોવા નહીં મળતા તેઓએ અજાણ્યા ઉઠાવગીર સામે પોલીસમાં ફરિયાદ નોંધાવી છે.
જામનગરના રણજીત સાગર રોડ પર નિલકંઠ પાર્કમાં વસવાટ કરતા અને સુભાષ પાર્ક મેઈન રોડ પર જલારામ વસ્તુ ભંડાર નામની અનાજ કરિયાણાની દુકાન ચલાવતા જીજ્ઞેશભાઈ ભૂપેન્દ્રભાઈ કોટેચા નામના વેપારી રવિવારે રાત્રે પોણા દસેક વાગ્યે દુકાન વધાવવાની તૈયારી કરતા હતા.
આ વેળાએ તેઓએ દિવસ દરમિયાન દુકાનમાં થયેલા વેપારની રૃા.૧ લાખ ૭ હજારની રકમ બ્લુ રંગના પર્સમાં રાખી તે પર્સ દુકાનની બહારના ભાગમાં આવેલા હુંકમાં ટીંગાડ્યું હતું.
ત્યારપછી દુકાન વધાવી ઘેર ચાલ્યા ગયેલા જીજ્ઞેશભાઈને ઘરે પહોંચ્યા પછી પર્સ તો રહી ગયું તેમ યાદ આવતા તેઓ ગણતરીની મિનિટોમાં દુકાને પરત આવ્યા હતા પરંતુ તેટલા સમયમાં કોઈ ઉઠાવગીર તેઓનું રોકડ રકમવાળું પર્સ ઉપાડી ગયો હતો. આ બાબતની સિટી-એ ડિવિઝન પોલીસ સ્ટેશનમાં જીજ્ઞેશભાઈએ ફરિયાદ નોંધાવી છે. પોલીસે અજાણ્યા ઉઠાવગીર સામે આઈપીસી ૩૭૯ હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag