Author: નોબત સમાચાર
જોડિયાના લીંબુડા-વાવડી રોડ પર દારૂની ૧પર બોટલ સાથે પરપ્રાંતીયની અટકાયત
આણંદપર ચેકપોસ્ટ પરથી સ્કૂટરમાંથી મળ્યો દારૃઃ
જામનગર તા. ૩૧: જોડિયાના લીંબુડા-વાવડી રોડ પરથી ગઈકાલે સ્થાનિક પોલીસે મૂળ મધ્યપ્રદેશના એક શખ્સને ઈંગ્લીશ દારૂની ૧૫૨ બોટલ સાથે દબોચી લીધો છે. વેચાણ માટે લાવવામાં આવેલા આ જથ્થાને કબજે કરાયો છે. કાલાવડની આણંદપર ચેકપોસ્ટ પાસેથી સ્કૂટરમાં લઈ જવાતી દારૂની ચાર બોટલ પકડાઈ છે અને જામનગરમાંથી પોલીસે દેશી દારૂની ભઠ્ઠી કબજે કરી છે.
જોડિયા તાલુકાના લીંબુડા ગામથી વાવડી ગામના રોડ પર ગઈકાલે એક શખ્સ ઈંગ્લીશ દારૂના જથ્થા સાથે પસાર થઈ રહ્યો છે તેવી બાતમી મળતા જોડિયા પોલીસ સ્ટેશનના સ્ટાફે લીંબુડા-વાવડી રોડ પર વોચ ગોઠવી હતી.
તે દરમિયાન મૂળ મધ્યપ્રદેશના અલીરાજપુર જિલ્લાના મહુડી ગામનો વતની અને હાલમાં જામનગર તાલુકાના ખીમલીયા ગામમાં ભરતભાઈ મઘોડીયા નામના ખેડૂતના ખેતરમાં મજૂરીકામ કરતા ગૌરવ રમેશભાઈ પરમાર ઉર્ફે ગોરચંદ ભીલ નામના શખ્સને રોકી લેવામાં આવ્યો હતો. આ શખ્સની તલાશી લેવાતા તેની પાસેથી ભારતીય બનાવટના અંગ્રેજી શરાબની પ્લાસ્ટિકની ૧૫૨ બોટલ મળી આવી હતી. અંદાજે રૂ।.૭૬ હજારનો દારૂનો જથ્થો પોલીસે કબજે કરી ગોરચંદની પૂછપરછ કરતા તેણે આ જથ્થો વેચાણ માટે લાવ્યો હોવાની કબૂલાત કરી છે.
કાલાવડ નજીકની આણંદપર ચેકપોસ્ટ પાસેથી ગઈરાત્રે પસાર થતા એક એક્ટિવા સ્કૂટરને પોલીસે રોકાવી તેના ચાલક શિતલા કોલોનીવાળા મોઈન અનવરભાઈ મીયાવા ઉર્ફે સોનુની તલાશી લેતા તેની પાસેથી દારૂની ચાર બોટલ મળી આવી હતી.
જામનગરના રણજીતસાગર રોડ પર મારૂ કંસારા હોલની પાછળ રહેતા કુંવરબેન રામભાઈ વિજાણી નામના મહિલાના મકાનમાં ગઈકાલે સાંજે પોલીસે દરોડો પાડતા ત્યાંથી દેશી દારૂની ભઠ્ઠી મળી આવી છે. આથો, તૈયાર દારૂ, ભઠ્ઠીના સાધનો કબજે કરાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
