Author: નોબત સમાચાર
અગાઉના ઝઘડાનો ખાર રાખી કાલાવડમાં છતર ગામના યુવાન ઉપર ચારનો હુમલો
એક શખ્સ સાથે થયેલા ઝઘડાનો ખાર રખાયોઃ
જામનગર તા. ૩૧: કાલાવડના છતરમાં રહેતા એક યુવાન સોમવારની રાત્રે કાલાવડના મગફળી ખરીદ કેન્દ્રમાં પોતાના વાહનમાં બેઠા હતા ત્યારે ત્યાં ધસી આવેલા ચાર અજાણ્યા શખ્સોએ તેઓને ધોકા-પાઈપથી હુમલો કરી જીવલેણ ઈજા પહોંચાડી હતી. થોડા દિવસ પહેલાં નાના પાંચદેવડા ગામના એક શખ્સ સાથે થયેલા ઝઘડાનો ખાર રાખી હુમલો કરાયાનું પોલીસ ફરિયાદમાં જણાવાયું છે.
કાલાવડ તાલુકાના છતર ગામમાં રહેતા હાર્દિકભાઈ પરસોત્તમભાઈ તાળા ઉર્ફે ડિમ્પલભાઈ નામના યુવાન સોમવારની રાત્રે પોતાનું આઈશર લઈને કાલાવડમાં આવેલા મગફળી ખરીદ કેન્દ્રમાં આવ્યા હતા. જ્યાં તેઓ રાત્રે એકાદ વાગ્યે આઈશરમાં બેઠા હતા ત્યારે ચાર અજાણ્યા શખ્સ પાઈપ તથા ધોકા સાથે આવી ચઢ્યા હતા.
આ શખ્સોએ આઈશરમાંથી હાર્દિકભાઈને નીચે ખેંચી લઈ આઈશરની પાછળ લઈ જઈ પતાવી જ દેવો છે તેમ કહી જીવલેણ હુમલો કરી આડેધડ ફટકા મારવાનું શરૂ કર્યંુ હતું. આ શખ્સોએ હવે નાના પાંચદેવડા ગામના સાજીદ મલેક સાથે માથાકૂટ કરી તો પતાવી દઈશું તેવી ધમકી પણ આપી હતી. થોડા દિવસ પહેલાં હાર્દિકભાઈએ પોલીસમાં સાજીદ મલેક વિરૂદ્ધ કરેલી ફરિયાદનો ખાર રાખી તેણે આ હુમલાખોરોને મોકલ્યાની કેફિયત આપવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
