Author: નોબત સમાચાર
ખેડૂતોના ખાતામાં નાણા જમા નહીં થાય તો ઉગ્ર આંદોલનની ધારાસભ્ય હેમંત ખવાની ચીમકી
ટેકાના ભાવે મગફળી ખરીદીઃ
જામનગર તા. ૩૧: જામજોધપુર અને લાલપુર તાલુકાના ખેડૂતોએ ટેકાના ભાવે મગફળીનું વેચાણ કર્યાના લાંબો સમય થવા છતાં હજુ સુધી તેમના ખાતામાં નાણા જમા ન થતા ધારાસભ્ય હેમંત ખવાએ લાલઘૂમ થઈને તંત્ર અને બેંકિંગ સત્તાધીશોને ઉધડા લીધા હતા. આ ગંભીર પ્રશ્નો ધારાસભ્યએ બંને તાલુકામાં તાકીદની બેઠકો યોજી હતી અને જવાબદારોને કડક શબ્દોમાં સૂચના આપી હતી.
જામજોધપુર માર્કેટિંગ યાર્ડ અને લાલપુર મામલતદાર કચેરીમાં યોજાયેલી આ બેઠકોમાં ધારાસભ્યએ તમામ બેંક મેનેજરો અને મગફળી ખરીદ કેન્દ્રના સંચાલકોને સામસામે બેસાડીને આકરા સવાલો કર્યા હતા. ખેડૂતોએ માલ આપી દીધો હોવા છતાં ટેકનિકલ ખામીઓ અને આધાર સીડિંગના બહાના હેઠળ ખેડૂતોને ધરમધક્કા ખવડાવતી બેંકો સામે હેમંત ખવાએ ભારે રોષ વ્યક્ત કર્યો હતો.
તેમને કડક નિર્દેશ કરતા એક અઠવાડિયાનું અલ્ટીમેટમ આપ્યું છે જે ખેડૂતોના પેમેન્ટ બાકી છે, તેમના ખાતામાં આગામી એક અઠવાડિયામાં નાણા જમા થઈ જવા જોઈએ. તેમજ જામજોધપુર અને લાલપુર તાલુકાના તમામ પેન્ડિંગ બિલ અને લોટ આઈડીનું વેરિફિકેશન યુદ્ધના ધોરણે પૂર્ણ કરી પેમેન્ટ રિલીઝ કરવામાં આવે. જે ખેડૂતોના પેમેન્ટ ટેકનિકલ કારણોસર અટક્યા છે, તેમને બેંકોએ ગોળ-ગોળ જવાબ આપવાને બદલે રૂબરૂ બોલાવીને ચોક્કસ કારણ જણાવવું અને પ્રક્રિયા પૂર્ણ કરાવવી જેમાં કૃષિ વિભાગ અને બેંકિંગ સત્તાધીશો પરસ્પર સંકલન સાધી આધાર મેપિંગના પ્રશ્નોનો તાત્કાલિક ઉકેલ લાવવા અંગે પણ જણાવ્યું છે.
ખેડૂતોએ મગફળી વેચીને તેના નાણામાંથી રવિ પાકનું વાવેતર અને ખેતીના ખર્ચની આશા રાખી હતી. પરંતુ ખરીદી કેન્દ્રોની લાપરવાહી અને બેંકોની ઢીલી નીતિને કારણે આજે ધરતીપુત્રો આર્થિક મુશ્કેલીમાં મુકાયા છે. જો તંત્ર આ બાબતે ગંભીરતા નહીં દાખવે તો ખેડૂતોના હક માટે ઉગ્ર આંદોલન કરતા પણ અચકાઈશું નહીં.*
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
