Author: નોબત સમાચાર
હાલારમાં આજે અને આવતીકાલે માવઠાની આગાહી હોય, ખેત ઉત્પાદનો સુરક્ષિત રાખો
ખેતરે કે ઘરે ખૂલ્લામાં હોય કે માર્કેટીંગ યાર્ડમાં હોય...ઢાંકો અથવા ખસેડો...
જામનગર તા. ૩૧: જામનગર અને દેવભૂમિ દ્વારકામાં આજથી બે દિવસ વરસાદની આગાહી ખેત ઉત્પાદનો સુરક્ષીત રાખવા સરકારે સૂચન કર્યુ છે.
હવામાન ખાતાની આગાહીને અનુલક્ષીને તા. ૩૧-૧ર-ર૦રપ થી તા. ૧-૧-ર૦ર૬ દરમિયાન ગુજરાત રાજયના જિલ્લાઓ જેવા કે કચ્છ, બનાસકાંઠા, પાટણ, જામનગર, મોરબી, દેવભૂમિ દ્વારકા જિલ્લાઓમાં છૂટાછવાયા સ્થળોએ ગાજવીજ સાથે હળવાથી મધ્યમ વરસાદની આગાહી થયેલ છે. આવા સમયે વાદળછાયું વાતાવરણ અને વરસાદને અનુલક્ષીને ખેડૂતો પાકના રક્ષણ માટે ઉચિત પગલાં લેતા જ હોય છે, તેમ છતાં તકેદારીના પગલા લેવા રાજયના ખેડૂતોને સરકાર દ્વારા સંદેશ આપવામાં આવ્યો છે.
કમોસમી વરસાદથી થતા પાક નુકસાનીથી બચવા માટે ખેડૂતોના ખેત ઉત્પાદિત પાક, ખેતરમાં કાપણી કરેલ પાક ખૂલ્લા હોય તો તેને તાત્કાલિક સલામત સ્થળોએ ખસેડવાની કાર્યવાહી કરવી અથવા પ્લાસ્ટિક/તાડપત્રીથી યોગ્ય રીતે ઢાકી દેવું અને ઢગલાની ફરતે માટીનો પાળો બનાવી વરસાદનું પાણી ઢગલાની નીચે જતું અટકાવવું. જંતુનાશક દવા અને ખાતરનો ઉપયોગ આ સમયગાળા પૂરતો ટાળવો, ખાતર અને બિયારણનો જથ્થો પલળે નહીં તે મુજબ સુરક્ષીત રાખવા.
એપીએમસીમાં વેપારી અને ખેડૂતોએ કાળજી રાખી આગોતરા સાવચેતીના પગલા લેવા અનુરોધ કરવામાં આવેલ છે. એપીએમસીમાં અનાજ અને ખેત પેદાશોને ઢાંકીને અથવા શેડ નીચે સુરક્ષીત રાખવા એપીએમસીમાં વેચાણ અર્થે આવતી પેદાશો આ દિવસો દરમિયાન ટાળવી અથવા સુરક્ષીત રાખવી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
