ખંભાળિયામાં ઉમંગભેર ઉજવાયો સ્વાતંત્ર્ય દિન

Author: નોબત સમાચાર

ખંભાળિયામાં ઉમંગભેર ઉજવાયો સ્વાતંત્ર્ય દિન

પાલિકા પ્રમુખ ભાવનાબેન પરમારે કરાવ્યું ધ્વજવંદનઃ

ખંભાળિયા તા.૧૮ ઃ દેશના ૭૭મા સ્વતંત્ર પર્વની દેવભૂમિ દ્વારકા જિલ્લાના વડા મથક ખંભાળિયામાં નગરપાલિકા દ્વારા ભાવપૂર્ણ ઉજવણી કરાઈ હતી. જેમાં પાલિકાના પ્રમુખ ભાવનાબેન જીજ્ઞેશભાઇ પરમારના હસ્તે વંદન કરાયું હતું.

આ પ્રસંગે ભાવનાબેન પરમાર દ્વારા પ્રાસંગિક ઉદ્બોધનમાં નગરપાલિકા દ્વારા થયેલા વિકાસકાર્ય તેમજ આવનાર સમયમાં હેરીટેજ સ્મારકોને રીનોવેશન, મહિલાઓ માટે જીમ વગેરે કરવામાં આવનાર વિકાસ કાર્યાે વિશે વાત કરી હતી.

ખંભાળિયા નગરપાલિકા સંચાલિત શેઠ દા.સું. ગર્લ્સ હાઈસ્કૂલની બાળાઓ, તેમજ કન્યાશાળાની બાળાઓ દ્વારા સાંસ્કૃતિક કાર્યક્રમ રજૂ કરાયા હતા. આ કાર્યક્રમમાં ભાગ લેનાર દરેક દીકરીઓને પ્રમુખ તથા તેની ટીમ દ્વારા મોમેન્ટો, રોકડ પુરસ્કાર આપવામાં આવ્યા હતા. તેમજ પાલિકાના વિશિષ્ટ કામગીરી કરનાર કર્મયોગી કર્મચારીઓને સન્માનિત કરવામાં આવ્યા હતા. વૃક્ષારોપણ કરાયું હતું.

આ રાષ્ટ્રીય કાર્યક્રમમાં ચેરમેન હીનાબેન આચાર્ય તથા નગરપાલિકા સદસ્યો, શહેરના વિવિધ સંસ્થાના આગેવાનો, નાગરિકો, નગર પાલિકાના ચીફ ઓફિસર સહિત તમામ સ્ટાફ તેમજ રાષ્ટ્રભાવના ધરાવતા શહેરીજનો ઉપસ્થિત રહ્યા હતા.

જો આપને આ પોસ્ટ ગમી હોય તો શેર કરો...