જામનગરમાં માતુશ્રી વીરબાઈ એજ્યુ. એન્ડ મેડિકલ ફાઉન્ડેશન દ્વારા રઘુવંશી વિદ્યાર્થીઓને શિષ્યવૃત્તિ અને દાતાઓનું સન્માન

Author: નોબત સમાચાર

જામનગરમાં માતુશ્રી વીરબાઈ એજ્યુ. એન્ડ મેડિકલ ફાઉન્ડેશન દ્વારા રઘુવંશી વિદ્યાર્થીઓને શિષ્યવૃત્તિ અને દાતાઓનું સન્માન

દેશભક્તિના ગીતો, તિરંગાનું વિતરણ, મહાનુભાવોની ઉપસ્થિતિ

જામનગર તા. ૧૮ઃ જામનગરના માતુશ્રી વીરબાઈ એજ્યુકેશન એન્ડ મેડિકલ ફાઉન્ડેશન દ્વારા છેલ્લા ૧ર વર્ષથી રઘુવંશી સમાજના વિદ્યાર્થીઓને શિષ્યવૃત્તિ આપવામાં આવે છે. તે અંતર્ગત વિદ્યાર્થીઓને શિષ્યવૃિ્ત્ત આપવા સાથે ત્રીસથી વધુ દાતાઓનું સન્માન કરવાનો સમારોહ યોજાયો હતો. સમારોહમાં દેશભક્તિના ગીતો સાથે મ્યુઝિકલ પ્રોગ્રામ રજુ થયો હતો. આ સમારોહના અધ્યક્ષસ્થાને લોહાણા સમાજના પ્રમુખ જીતુભાઈ લાલ ઉપસ્થિત રહ્યા હતાં.

આ સમારોહમાં ત્રીસ દાતાઓ તેમજ વિશિષ્ટ સિદ્ધિ પ્રાપ્ત કરનારા યુવાનોનું સન્માન કરવામાં આવ્યું હતું. મહેમાનોનું તુલસીના રોપા આપી સ્વાગત કરાયું હતું. પુષ્ટિ માર્ગીય ભક્તિના પ્રતિક સમાન ચિત્રો અર્પણ કરી દાતાઓનું સન્માન કરાયું હતું.

આ પ્રસંગે સંસ્થાના ટ્રસ્ટી ભરતભાઈ મોદી, અરવિંદભાઈ પાબારી, ભરતભાઈ કોટેચા, પ્રવિણભાઈ પોપટ, ભરત કાનાબાર, વિજયભાઈ મારફતિયા, રમેશભાઈ દતાણી, સંગીત પ્રેમી ચંદુભાઈ બારદાનવાલા, જામનગર મહાનગરના શાસક પક્ષના નેતા કુસુમબેન છોટાઈ, ગોવા શિપ યાર્ડના હસમુખભાઈ હિંડોચા આ કાર્યમાં અનુદાન આપનાર દાતાઓ રાગેશભાઈ લાખાણી, જતીનભાઈ કુંડલિયા, અશોકભાઈ મોદી, ડો. આનંદભાઈ ભગદે, ડો. તુષારભાઈ શિંગાળા, ચાંદનીબેન પોપટ એડવોકેટ, એડવોકેટ હેમલભાઈ ચોટાઈ રાજેન્દ્રભાઈ કક્કડ, હિતેશભાઈ અમલાણી, આનંદભાઈ સિમરિયા ચેતનભાઈ પોપટ, જીતુભાઈ કાનાણી, લેન્ડ ડેવલેપર્સ જતીનભાઈ કુંડલિયા, બિલ્ડર નિલેશભાઈ દતાણી, જે.પી. સોમૈયા સહિતના અતિથિઓ ઉપસ્થિત રહ્યા હતાં. દેશભક્તિના ગીતના મેસઅપમાં દરેક અતિથિઓને તિરંગા વિતરણ કરી તેઓ દ્વારા સન્માન સાથે લહેરાવી રાષ્ટ્ર ભક્તિનું દર્શન કરવામાં આવ્યું હતું. સમગ્ર કાર્યક્રમનું સંચાલન સંસ્થાના માનદમંત્રી ભરત કાનાબાર, ગૌરવ રાયઠઠ્ઠા, રિયા પોપટ દ્વારા કરવામાં આવ્યું હતું. આ કાર્યક્રમને સફળ બનાવવા સંસ્થાના ટ્રસ્ટી ભરત કાનાબાર, પ્રો.પ્રવિણભાઈ પોપટ, રિયા પોપટ, વિરાજ કાનાબાર દ્વારા જહેમત ઉઠાવવામાં આવી હતી.

જો આપને આ પોસ્ટ ગમી હોય તો શેર કરો...