Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
સેનાનગર પાસે મકાનમાંથી પાંચ બોટલ પકડાઈઃ કુલ સવા લાખનો મુદ્દામાલઃ
જામનગર તા.૧૭ ઃ જામનગરના લાખાબાવળ નજીક આવેલી એક સોસાયટીમાં મકાન ભાડે રાખી બે શખ્સે તેમાં સંગ્રહ કરી રાખેલી દારૃની ૧૬૮ બોટલ પોલીસે કબજે કરી છે. બંને શખ્સની શોધ શરૃ કરાઈ છે. ટાઉન હોલ પાસે એક શખ્સ દારૃની નાની-મોટી ૮૬ બોટલ સાથે ઝડપાયો છે. સેનાનગરમાં એક મકાનમાંથી પાંચ બોટલ તથા સુમેર કલબ રોડ પર બાઈકમાંથી એક બોટલ પોલીસે કબજે કરી છે. કુલ રૃપિયા સવા લાખનો મુદ્દામાલ ઝબ્બે લેવાયો છે.
જામનગર-ખંભાળિયા ધોરીમાર્ગ પર આવેલા લાખાબાવળ ગામના પાટિયા નજીક શિવાલીક સોસાયટીમાં એક મકાનમાં અંગ્રેજી શરાબનો જથ્થો પડ્યો હોવાની બાતમી પંચકોશી-બી ડિવિઝનના નિર્મળસિંહ, ધર્મેન્દ્રસિંહ, મહાવીરસિંહને મળતા પીએસઆઈ એમ.એ. મોરીને વાકેફ કરાયા પછી શનિવારે રાત્રે પોલીસે તે સોસાયટીમાં આવેલા એક મકાનમાં દરોડો પાડી તલાશી લીધી હતી.
તે મકાનમાંથી રોયલ સ્ટેગની ૭૨ બોટલ તથા મેકડોવેલ્સ નંબર વન વ્હીસ્કીની ૯૬ બોટલ મળી ૧૬૮ બોટલ ઝડપાઈ ગઈ હતી. રૃા.૮૪ હજારની બોટલ કબજે કરી પોલીસે તે મકાન ભાડે રાખનાર અંધાશ્રમ આવાસવાળા બિપીન કારાભાઈ મુછડીયા ઉર્ફે લાકડી તથા સેનાનગરવાળા રમેશ ભીમજીભાઈ પારીયાની શોધ શરૃ કરી છે.
જામનગરના ટાઉનહોલ સર્કલ પાસે ગઈકાલે બપોરે એક શખ્સ અંગ્રેજી શરાબની બોટલ સાથે ઉભો હોવાની બાતમી સિટી-એ ડિવિઝનના સર્વેલન્સ સ્ટાફના વિક્રમસિંહ, દેવાયત કાંબરીયાને મળતા પીઆઈ એન.એ. ચાવડાને વાકેફ કરાયા પછી પીએસઆઈ બી.એસ. વાળાના વડપણ હેઠળ દોડી ગયેલી પોલીસ ટીમે ત્યાંથી સત્યસાઈનગરમાં રહેતા પાર્થ નરેશભાઈ માવદીયા ઉર્ફે સોમુ વાળંદ નામના શખ્સને પકડી પાડ્યો હતો. તેના કબજામાંથી અંગ્રેજી શરાબની છ મોટી બોટલ અને ૮૦ ચપલા મળી આવ્યા હતા. પોલીસે રૃા.૧૧ હજારનો શરાબનો જથ્થો કબજે કરી પાર્થની ધરપકડ કરી છે.
જામનગરના ઢીંચડા રોડ પર આવેલા સેનાનગરમાં એક મકાનમાં ભાડે રહેતા રાજેશ ભીખુભાઈ સીંગરખીયાના મકાનમાં શનિવારની સાંજે સિટી-સી ડિવિઝનના સ્ટાફે પૂર્વ બાતમીના આધારે દરોડો પાડી દારૃની પાંચ બોટલ પકડી પાડી હતી. પોલીસે બોટલ, મોબાઈલ સાથે રાજેશની ધરપકડ કરી છે.
જામનગરના સુમેર કલબ રોડ પરથી ગઈકાલે બપોરે પસાર થતાં જીજે-૧૦-ડીક્યુ ૭૧૯૦ નંબરના બાઈકને પોલીસે રોકાવી તેના ચાલક દિગ્વિજય પ્લોટ-૫૮માં રહેતા યોગેશ કિશોરભાઈ દામા ઉર્ફે યોગલા બાડા નામના શખ્સની તલાશી લેતાં તેના કબજામાંથી બોટલ મળી આવી હતી. પોલીસે બોટલ તથા બાઈક ઝબ્બે લીધા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial