Author: નોબત સમાચાર
દરેડ જીઆઈડીસીમાં પટકાઈ પડેલા શ્રમિકનું કરૃણ મૃત્યુ
પતરા ચડાવતા હતા ત્યારે દુર્ઘટનાઃ
જામનગર તા.૨૮ ઃ જામનગરના દરેડ જીઆઈડીસી ફેસ-૩માં ગઈકાલે એક કારખાનામાં પતરા ચડાવી રહેલા શ્રમિકનો પગ લપસતા તેઓ જમીન પર પટકાયા હતા. આ વેળાએ તેની છાતીમાં થાંભલો ઘૂસી જતાં તેઓનું મૃત્યુ થયું છે.
જામનગરના બેડેશ્વર વિસ્તારમાં આવેલા ગરીબનગર પાણાખાણમાં વસવાટ કરતા અબ્બાસભાઈ હારૃનભાઈ છેર નામના પચ્ચાસ વર્ષના પ્રૌઢ ગઈકાલે સવારે દરેડ જીઆઈડીસી ફેસ-૩માં આવેલા હાઈટેક નામના કારખાનામાં કામ પર હતા.
આ વેળાએ તેઓ પતરા ચડાવી રહ્યા હતા ત્યારે અકસ્માતે પગ લપસી જતાં અબ્બાસભાઈ ઉંચાઈ પરથી ખાબક્યા હતા. ઉંધા માથે પછડાયેલા અબ્બાસભાઈને છાતીમાં જમીનમાં પડેલો લોખંડનો થાંભલો ઘૂસી ગયો હતો. સ્થળ પર હાજર લોકોએ ૧૦૮ને કોલ કર્યાે હતો. દોડી આવેલી એમ્બ્યુલન્સના સ્ટાફે આ પ્રૌઢને મૃત્યુ પામેલા જાહેર કરતા સીદીકભાઈ હારૃનભાઈ છેર દ્વારા પોલીસને જાણ કરાઈ છે. પોલીસે અપમૃત્યુ અંગે નોંધ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
