Author: નોબત સમાચાર
જગતમંદિર પર દ્વિતીય ક્રમની ધ્વજા ભિક્ષુકોએ ચઢાવીઃ અનેરો લ્હાવો
ગુગ્ગુળી સમાજનો સક્રિય સહયોગઃ દક્ષિણા સાથે બ્લેન્કેટ વિતરણ
દ્વારકાના દ્વારકાધીશ જગત મંદિર પર હાલ દરરોજ પાંચ જેટલી ધ્વજાઓનું આરોહણ થતું હોય અને અલગ અલગ સમાજ દ્વારા અલગ વૈષ્ણવો દ્વારા યજમાન પદે ધ્વજા પૂજન કરી જગત મંદિરના શિખર પર પર ગજની ધ્વજા આરોપણ કરાવવામાં આવતી હોય અને જીવનનો અમૂલ્ય લ્હાવો પ્રાપ્ત કરવાનો અવસર વૈષ્ણવને પ્રાપ્ત થતો હોય ત્યારે દ્વારકાધીશ જગત મંદિર પર બીજા ક્રમની ધ્વજા દ્વારકાના ભિક્ષુક સમાજ, સાધુ સમાજ દ્વારા દ્વારકાના અલગ અલગ વિસ્તારોમાં ભિક્ષાવૃત્તિ કરનારા ભિક્ષુ સમાજના સાધુઓ દ્વારા ધ્વજા આરોહણ કરાવવામાં આવ્યું જેમાં ધ્વજાજીનું પૂજન કર્યા બાદ જગત મંદિર સુધી શોભાયાત્રા અને ધ્વજા આરોપણ કર્યા બાદ હોટેલ સુંદર પેલેસના રૃચિકા રેસ્ટોરન્ટ હોલમાં સર્વે સાધુઓને પ્રસાદની વ્યવસ્થા પણ કરવામાં આવી. દ્વારકા તીર્થપંડા પુરોહિત વતી જીગ્નેશભાઈ વાયડા તેમજ ગુગ્ગુળી બ્રાહ્મણ જ્ઞાતિ પ૦પ સમસ્ત દ્વારકા દ્વારા આ ધ્વજા આરોહણમાં સહયોગ આપવામાં આવ્યો. જે અંગે ગુગ્ગુળી બ્રાહ્મણ જ્ઞાતિના કાર્યકારી પ્રમુખ યજ્ઞેશભાઈ ઉપાધ્યાયની કામગીરી પણ પ્રશંસનિય રહી. ભોજન પ્રસાદ બાદ તમામ સાધુઓને દક્ષિણા અને બ્લેન્કેટ વિતરણ પણ કરવામાં આવ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
