Author: નોબત સમાચાર
સ્ટ્રીટ લાઈટના થાંભલા કે વીજવાયરોમાં ગેરકાયદે ચીજો ટીંગાડવા તેમજ બાંધવા સામે લાલબત્તી
વીજચોરી પણ પડી શકે ભારેઃ મનપા કરશે કાનૂની કાર્યવાહી
જામનગર તા. ર૮ઃ જામનગર મ્યુનિ. કોર્પોરેશન દ્વારા સ્ટ્રીટ લાઈટની સુવિધા માટે ઊભા કરવામાં આવતા તમામ સ્ટ્રીટ લાઈટના પોલ્સ તથા પાવર ફીડીંગ સેક્શન, સુરક્ષાના તમામ પાસાની ચકાસણી કરવામાં આવે છે. અનઅધિકૃત માણસો દ્વારા બિનઅધિકૃત રીતે સ્ટ્રીટ લાઈટ પોલ્સ સાથે ચેડાં કરવામાં આવે છે, જેવા કે પોલ વાયર ઉપર કપડાં સૂકવવા, પોલ સાથે ઢોર બાંધવા, પોલ પર હોર્ડીંગ લગાવવા જેવી ગેરકાયદેસર પ્રવૃત્તિઓ થાય છે, તેથી કરંટ લાગવાની અને માનવ/પશુની જાનહાની થવાની સંભાવના રહે છે. કેટલીક જગ્યાએ અનઅધિકૃત માણસો દ્વારા સ્ટ્રીટ લાઈટના પોલ્સ તથા પાવર ફીડીંગ સેક્શનમાંથી કેબલ કાપી તથા તેને આનુસંગિક ઈલેક્ટ્રીકલ પ્રોટેક્શન સિસ્ટમ માટે જરૃરી રીલે ફ્યુઝ, એમ.સી.બી., વગેરે જેવી વસ્તુઓની ચોરી કરીને પાવર ફીડીંગ સેક્શનને ગંભીર હાલતમાં મૂકવામાં આવે છે. આ ઉપરાંત વાયરો, જંકશન બોક્સ તેમજ પાવર ફીડીંગ સેક્શનને ખુલ્લા મૂકતા હોવાનું માલુમ પડે છે, જે અત્યંત જ ગંભીર બાબત છે.
જામનગર મ્યુનિ. કોર્પોરેશનની યાદી મુજબ સ્ટ્રીટ લાઈટના પોલ્સ તથા પાવર ફીડીંગ સેક્શનમાં ર૩૦/૪૪૦ વોલ્ટના જીવંત પાવર પસાર થતા હોય છે, જેનાથી તેમાં કરંટ લાગવાનો અને જાનહાની થવાની પૂરી સંભાવના છે તેથી જાહેર જનતાને જાણ કરવામાં આવે છે કે, જામનગર મ્યુનિ. કોર્પોરેશનના સ્ટ્રીટ લાઈટના પોલ્સ તથા પાવર ફીડીંગ સેક્શનને ચાલુ કે બંધમાં અડકવું નહિં. તેમાંથી બિનઅધિકૃત રીતે પવાર લેવો નહિં તથા સ્ટ્રીટ પોલ્સ તથા પાવર ફીડીંગ સેક્શનમાંથી કેબલ કાપી તથા તેને આનુસંગિક ઈલેક્ટ્રીકલ પ્રોટેક્શન સિસ્ટમ માટે જરૃરી રીલે ફ્યુઝ, એમ.સી.બી. વગેરે જેવી વસ્તુઓની ચોરી કરવી નહિં.
જો કોઈ શખ્સ સ્ટ્રીટ લાઈટ પોલ્સ તથા પાવર ફીડીંગ સેક્શનમાંથી ચોરી કરશે કે અડકશે કે બિનઅધિકૃત રીતે પાવર લેશે કે સ્ટ્રીટ લાઈટના પોલ્સ તથા તેના પાવર ફીડીંગ સેક્શન સાથે ઢોર ઢાંખર (પશુ પ્રાણી) બાંધશે તો તેમની સામે કાયદેસરની કાર્યવાહી કરવામાં આવશે તથા સદર પરિસ્થિતિમાં જો કોઈ જાનહાની કે અન્ય કોઈપણ પ્રકારનું નુક્સાન થશે તો તેની કોઈપણ જાતની જવાબદારી જામનગર મ્યુનિ. કોર્પોરેશનની રહેશે નહિં, તેવી જાહેર જનતાને જામનગરની પીઆરઓ શાખા દ્વારા ચેતવણી આપવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
