Author: નોબત સમાચાર
હાલારમાં મેઘાની સંતાકૂકડીઃ ક્યાંક ઝાપટાં, ક્યાંક ધોધમાર વરસાદઃ જનજીવન પ્રભાવિતઃ હરખની હેલી
નદી-નાળા-જળાશયોમાં નવા નીરઃ પરિવહનને અસરઃ ખેડૂતો લાગ્યા કામેઃ ઠેર ઠેર જલભરાવઃ
હાલાર પર મેઘાનું હેત વરસી રહ્યું છે, સાથે સાથે મેઘો જાણે સંતાકૂકડી રમી રહ્યો હોય, તેમ ક્યાંક ઝાપટાં તો ક્યાંક ધોધમાર વરસાદ પડી જાય છે. આ કારણે જળાશયોમાં નવા નીર આવ્યા છે, તો નદી-નાળાઓમાં જળપ્રવાહ વહેતો થયો છે. કેટલાક સ્થળે જલભરાવ થતાં લોકોને અવરોધ ઊભો થઈ રહ્યો છે. વરસાદથી લોકોમાં હરખની લાગણી જોવા મળી રહી છે, પરંતુ કેટલાક સ્થળે માર્ગો પર પડેલા ખાડા તથા ગામો-શહેરોના રહેણાંક વિસ્તારોમાં વરસાદી પાણીના કારણે જનજીવન પ્રભાવિત થતું પણ જણાઈ રહ્યું છે. છેલ્લ બે-ત્રણ દિવસથી થઈ રહેલી વરસાદની આગાહીને અનુરૃપ વરસાદ પડી રહ્યો છે, તેની સાથે શીતળ પવન પણ લોકોને રોમાંચિત કરી રહ્યો છે. કેટલાક સ્થળે પરિવહન પ્રભાવિત થયું છે, તો કેટલાક સ્થળે હંગામી ટ્રાફિક જામ પણ સર્જાયો હતો. ખેડૂતો ખેતીના કામે લાગી ગયા છે, તો પશુપાલકો પણ રાહત અનુભવી રહ્યા છે. એકંદરે આ વરસાદ અબાલવૃદ્ધ સૌ કોઈને પુલકિત કરી રહ્યો છે. વરસાદની સાથે જોડાયેલી સમસ્યાઓ પણ માથું ઊંચકી રહી છે, તો કેટલાક સ્થળે તંત્રોની પ્રિ-મોન્સુન કામગીરીની પોલ પણ ખુલી રહી છે. વરસાદમાં ભીંજાઈને કિલ્લોલ કરતા બાળકો, ખેતીવાડી માટે ગાડા, ટ્રેક્ટર કે પશુધન લઈને જતા-આવતા ખેતમજૂરો, પરિસ્થિતિનો તાગ મેળવવા દોડતા તંત્રવાહકો અને નદી-નાળાઓ, ડેમો-ચેકડેમો, ઝરણાઓ વગેરેમાં આવેલા નવા નીર, ડેમો-નદીઓમાં નહાવા પડેલી ભેંસો તથા વરસાદના પાદર પાણીમાં વાહનો ધોવા પહોંચેલા વાહનચાલકોના દૃશ્યો જોવા મળી રહ્યા હતાં, અને 'નોબત'ની ટીમે આ પૈકીના નયનરમ્ય દૃશ્યો કેમેરાની ઈલેક્ટ્રોનિક આંખથી કંડારી લીધા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
