Author: નોબત સમાચાર
સૌરાષ્ટ્ર હિન્દી પ્રચાર સમિતિ દ્વારા ર૩/ર૪ સપ્ટેમ્બરે લેવાશે હિન્દી પરીક્ષા
રાજકોટ તા. ર૮ઃ સૌરાષ્ટ્ર હિન્દી પ્રચાર સમિતિ દ્વારા વર્ષમાં બે વખત લેવાતી હિન્દી બાળપોથી, પહલી, દૂસરી અને તીસરી પરીક્ષાઓ ર૦ર૩ની સાલમાં ર૩ અને ર૪, સપ્ટેમ્બર, અનુક્રમે શની તથા રવિવારે સમગ્ર સૌરાષ્ટ્ર કચ્છમાં લેવાશે. આ પરીક્ષાઓના અરજીપત્રો ભરવાની છેલ્લી તારીખ ૧૪ મી ઓગસ્ટ, ર૦ર૩ રહેશે. જ્યારે ભરાયેલા અરજીપત્રો તેની ફી ની રકમ સાથે કાર્યાલયમાં પહોંચાડવાની છેલ્લી તારીખ ૧૯ મી ઓગસ્ટ, ર૦ર૩ નક્કી કરાયેલ છે.
બાળકોમાં ભાષા શુદ્ધિ, વ્યાકરણ, જોડણી વગેરેનું જ્ઞાન વધે અને રાષ્ટ્રભાષા પ્રત્યેની અભીરૃચિ વિશેષ કેળવાય એ મુખ્ય હેતુથી લેવાતી આ પરીક્ષામાં સપ્ટેમ્બરમાં મોટી સંખ્યામાં વિદ્યાર્થીઓ બેસે તે માટે સઘન પ્રયાસો હાથ ધરાયા છે. અત્રે એ પણ યાદ રહે કે આ પરીક્ષા સૌરાષ્ટ્ર કચ્છના ૩૦૦ થી વધુ કેન્દ્રોમાં હાલ લેવાય છે.
સૌરાષ્ટ્ર હિન્દી પ્રચાર સમિતિના મંત્રીની યાદીમાં જણાવ્યું છે કે, આ સમિતિની હિન્દી પરીક્ષાઓ સૌરાષ્ટ્ર કચ્છના ૩૦૦ જેટલા કેન્દ્રોમાં લેવાતી હોવા છતાં આ વિસ્તારના ઘણા ગામો તથા શિક્ષણ સંસ્થામાં હજી આ પરીક્ષા લેવાતી નથી. આવા ગામો અને શિક્ષણ સંસ્થાઓના બાળકો હિન્દી જ્ઞાન અને તેના પ્રમાણપત્રોથી વંચિત ન રહે તે હેતુથી આવા દરેક ગામ અને શિક્ષણ સંસ્થામાં સૌરાષ્ટ્ર હિન્દી પ્રચાર સમિતિ પોતાનાં પરીક્ષા પ્રચાર કેન્દ્રો શરૃ કરવા ઈચ્છે છે. સૌરાષ્ટ્ર કચ્છની જે શિક્ષણ સંસ્થા રાષ્ટ્રભાષા હિન્દીના પ્રચાર અને પરીક્ષા કેન્દ્રો શરૃ કરવા ઈચ્છે તેમણે તે શાળાના આચાર્યશ્રીની ભલામણ સાથે પરીક્ષામંત્રીશ્રી, સૌરાષ્ટ્ર હિન્દી પ્રચાર સમિતિ, રાષ્ટ્રીયશાળા પ્રાંગણ, મનહર પ્લોટ, રાજકોટ- ૩૬૦૦૦ર, સાથે પત્ર વ્યવહાર કરવો અથવા ટેલીફોન નંબર (૦ર૮૧) ર૪૬૬રર૭ (કાર્યાલય), મો.નં. ૭૯૮૪ર પ૩પપ૯ ઉપર સંપર્ક કરવો.
આવા નવા શરૃ થનાર કેન્દ્રો પણ જો સમયસર અરજીપત્રો કાર્યાલયને પહોંચાડશે તો ફેબ્રુઆરી ર૦ર૪ ની પરીક્ષાનો પણ તેમને લાભ મળશે. કાર્યાલયમાં ચાલતા જનરલ કેન્દ્ર (પેટા કેન્દ્ર)માં અરજીપત્ર ભરવાની છેલ્લી તા. પ-૦૭-ર૦ર૩ રહેશે. આ પરીક્ષાઓને લગતી અન્ય વિગતો પાઠ્યપુસ્તક યાદી અભ્યાસક્રમ વગેરે તમામ માહિતી માટે રાજકોટ સ્થિત કાર્યાલયનો સંપર્ક સાધવા જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
