જામનગરમાં ઉતુંગ જિનાલયના ધ્વજારોહણની ઉછામણીના મંગલ અવસરે વિવિધ કાર્યક્રમો યોજાશે

Author: નોબત સમાચાર

જામનગરમાં ઉતુંગ જિનાલયના ધ્વજારોહણની ઉછામણીના મંગલ અવસરે વિવિધ કાર્યક્રમો યોજાશે

પ્રવચન-ધ્વજારોહણ ઉછામણી-ધજાની શહેર પ્રદક્ષિણાઃ

જામનગર તા. ૧ઃ જામનગરના ચાંદીબજાર સ્થિત ચોરીવાળું દેરાસરમાં તા. પ-૧ર ને રવિવારે ઉતુંગ જિનાલયના ધ્વજારોહણની ઉછામણીના મંગલ અવસરે વિવિધ કાર્યક્રમોનું આયોજન કરવામાં આવ્યું છે. વર્ધમાન તપની ૧૦૦+૧૦૦+૭ર મી ઓળીના ભીષ્મ તપસ્વી પ.પૂ. આચાર્યદેવ શ્રીમદ્ વિજય રવિશેખર સુરીશ્વરજી મ.સા.ની મંગલ નિશ્રામાં આ કાર્યક્રમ યોજવામાં આવ્યો છે.

આગામી તા. પ-૧૧ના સવારે ૯-૩૦ વાગ્યે પૂજયશ્રીનું આધ્યાત્મિક પ્રવચન પછી ધ્વજારોહણની મંગલ ઉછામણીઓ બોલાશે. બપોરે ૩-૩૦ વાગ્યે ધજાની શહેર પ્રદક્ષિણા સાજન-માજન સાથે ચોરીવાળા દેરાસરથી થશે. જે દરબારગઢ, બર્ધનચોક, સેન્ટ્રલ બેંક, હવાઈ ચોક, પંચેશ્વર ટાવર, બેડી ગેઈટ, સજુબા સ્કૂલ થઈને પરત ફરશે. ધજાના લાભાર્થી થાળીમાં ધજા લઈને ચાલીને તેમજ વાહનમાં બેસીને લાભ લઈ શકશે. ધ્વજારોહણ તા. ૧૦-૧૧-ર૩ (ધનતેરસ)ને શુક્રવારના દિવસે થશે. ધ્વજાની વિધિ સવારે ૭-૩૦ વાગ્યે ચોરીવાળા દેરાસરના ચોકમાં થશે.

જિનાલયોના ધ્વજારોહણ માટે નીચે પ્રમાણે ઉછામણી થશે. જેમાં (૧) રાયશી શાહ (ચોરીવાળુ દેરાસર), મૂળનાયક શ્રી શાંતિનાથ ભગવાન શ્રી મહાવીર સ્વામી ભગવાન, શ્રી ભાભા પાર્શ્વનાથજી ભગવાન, શ્રી સહસ્ત્રફણા પાર્શ્વનાથજી ભગવાન, શ્રી જીરાવાલા પાર્શ્વનાથજી ભગવાન, શ્રી ફુંથુનાથંજી ભગવાન, શ્રી સંભવનાથજી ભગવાન, શ્રી નેમીનાથજી ભગવાન, શ્રી આદેશ્વરજી (ચૌમુખજી કચ્છી શિખર) ફરતીમાં, (ર) શ્રી વર્ધમાન શાહ (મોટા શાંતિનાથજી) (મૂળનાયક ઃ શ્રી શાંતિનાથજી) (કાયમી લાભાર્થી શાહ ભોગીલાલ નારણજી પરિવાર), (૩) શ્રી વાસુપૂજ્ય સ્વામી દેરાસર (મૂળ નાયક ઃ શ્રી વાસુપૂજય સ્વામી), (૪) શ્રી મુનિસુવ્રત સ્વામી દેરાસર (મૂળ નાયક ઃ શ્રી મુનિસુવ્રત સ્વામી), (પ) શ્રી આદેશ્વર જિનાલય (વંડાનું દેરાસર), (મૂળ નાયક ઃ શ્રી આદેશ્વર સ્વામી, શ્રી પુંડરિક સ્વામી), વિધિકાર તરીકે કલ્પેશભાઈ શાહ અને સંગીતકાર તરીકે વિક્રમભાઈ મેહતા રહેશે.

વધુ વિગત માટે નવિનભાઈ ઝવેરી (મો. ૯૪ર૬ર ૦૩૮૦૭) અથવા ભૂપેન્દ્રભાઈ પારેખ (મો. ૯૮રપ૧ ૩પ૪ર૯)નો સંપર્ક કરવો. આ મંગલ અવસરે સકલ સંઘને પધારવા નિમંત્રક શેઠ રાયશી વર્ધમાન પેઢી દ્વારા જણાવાયું છે.

જો આપને આ પોસ્ટ ગમી હોય તો શેર કરો...