Author: નોબત સમાચાર
નગરના આસામી સાથે છેતરપિંડીના ગુન્હામાં આગોતરા જામીન અરજી રદ્દ
સસ્તામાં ડોલર અપાવવા નામે કરાયું હતું ચીટીંગઃ
જામનગર તા. ૩૧ઃ સુરેન્દ્રનગરના એક આસામી સાથે સસ્તામાં ડોલર અપાવવાની લાલચ બતાવી છેતરપિંડી કરાયાની સાયબર ક્રાઈમ પોલીસમાં ફરિયાદ થઈ હતી. તે ગુન્હામાં સુરેન્દ્રનગર જિલ્લાના વઢવાણ તાલુકાના એક શખ્સનું નામ ખૂલ્યું હતું. તેણે આગોતરા જામીન મેળવવા કરેલી અરજી કોર્ટે નકારી છે.
જામનગરના એક આસામીને સસ્તામાં ડોલર અપાવી દેવાની લાલચ બતાવી છેતરપિંડી કરાયાની પોલીસમાં ફરિયાદ થઈ હતી. રમીઝ નામના યુવાનને મળેલા કેટલાક શખ્સોએ એક શખ્સની ઓળખ હેકર તરીકે આપી સસ્તામાં ડોલર મેળવી આપવાનું કહ્યું હતું અને તે પછી અમૂક રકમ મેળવી ટેકનિકલ ઈસ્યુનું બહાનુ બતાવી છેતરપિંડી કરાઈ હતી.
ત્યારપછી અન્ય એક શખ્સની આ પ્રકરણમાં એન્ટ્રી થઈ હતી. તેણે અગાઉ જેની સાથે ડીલ થઈ હતી તેના કરતા વધુ ફાયદો અપાવવાનું કહી ત્રણ હજાર ડોલરની કિંમતની રકમ પોતાના વોલેટમાં ટ્રાન્સફર કરાવી છેતરપિંડી આચરી હતી. સાયબર પોલીસે ગુન્હો નોંધી આદરેલી તપાસમાં સુરેન્દ્રનગર જિલ્લાના વઢવાણ તાલુકાના વસ્તડી ગામના કુલદીપસિંહ વનરાજસિંહ ગોહિલનું નામ ખૂલ્યું હતું. આ શખ્સની ધરપકડ માટે તજવીજ કરાતા તેણે આગોતરા જામીન મેળવવા કોર્ટમાં અરજી કરી હતી.
તે અરજી અન્વયે જામનગર જિલ્લા સરકારી વકીલ જમનભાઈ ભંડેરીએ હાજર થઈ કરેલી દલીલોને અદાલતે ગ્રાહ્ય રાખી છે અને આરોપી કુલદીપસિંહ ગોહિલની આગોતરા જામીન માગતી અરજી રદ્દ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
