Author: નોબત સમાચાર
સુરતના ડીંડોલીમાં ધો. ૧ર સાયન્સની વિદ્યાર્થિનીએ આપઘાત કરતા અરેરાટી પ્રસરી : પોલીસ તપાસ શરૂ
પરિવાર નિદ્રાધીન હતો, ત્યારે ટૂંપો ખાઈ લીધો
સુરત તા. રઃ સુરતના ડીંડોલીમાં ધોરણ ૧ર સાયન્સની વિદ્યાર્થિનીએ આપઘાત કર્યો છે. પરિવાર સુતો રહ્યો અને લાડીલએ જીવન ટૂંકાવ્યું, તેથી અરેરાટી ફેલાવા પામી છે.
ગુજરાતમાં આત્મહત્યાના કિસ્સાઓમાં ચિંતાજનક વધારો થઈ રહ્યો છે, ત્યારે સુરતના ડીંડોલી વિસ્તારમાંથી એક હૃદયદ્રાવક ઘટના સામે આવી છે. અહીં ધોરણ ૧ર સાયન્સમાં અભ્યાસ કરતી એક ૧૭ વર્ષિય સગીરાએ અગમ્ય કારણોસર ગળેફાંળો ખાઈ જીવન ટૂંકાવી લેતા સમગ્ર વિસ્તારમાં ચકચાર મચી ગઈ છે.
મળતી માહિતી મુજબ જ્યારે પરિવારના તમામ સભ્યો ઘરમાં સૂતા હતાં ત્યારે ૧૭ વર્ષિય વિદ્યાર્થિનીએ અચાનક આ અંતિમ પગલું ભર્યું હતું. સવારે જ્યારે પરિવાર જાગ્યો ત્યારે દીકરીની હાલત જોઈ તેમના પગ નીચેથી જમીન સરકી ગઈ હતી. ધોરણ ૧ર સાયન્સમાં અભ્યાસ કરતી તેજસ્વી વિદ્યાર્થિનીના આવા પગલાંથી પરિવાર સ્તબ્ધ છે.
ઘટનાની જાણ થતા જ ડીંડોલી પોલીસનો કાફલો ઘટના સ્થળે દોડી આવ્યો હતો. પ્રાથમિક તપાસમાં હજુ સુધી આપઘાત પાછળનું કોઈ ચોક્કસ કારણ બહાર આવ્યું નથી. પોલીસે વિદ્યાર્થિનીના મૃતદેહને કબજે કરી પોસ્ટમોર્ટમ અર્થે ખસેડ્યો છે. શું અભ્યાનું ભારણ હતું કે અન્ય કોઈ અંગત કારણ? તે દિશામાં પોલીસે પરિવારજનોની પૂછપરછ અને તપાસ હાથ ધરી છે.
આ ઘટનાને પગલે મૃતક વિદ્યાર્થિનીના પરિવારમાં ભારે આક્રંદ અને શોકનો માહોલ જોવા મળી રહ્યો છે. આશાસ્પદ દીકરીના નિધનથી ડીંડોલી વિસ્તારમાં પણ ગમગીની છવાઈ ગઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
