Author: નોબત સમાચાર
"લાલો" ફિલ્મની ટીમનો યોજાયો સન્માન સમારોહ
બોક્સ ઓફિસ પર ૧૦૦ કરોડથી વધુ કમાણી કરનાર
જામનગર તા. રઃ "લાલો" (કૃષ્ણ સદા સહાયતે ફિલ્મે) ફિલ્મે ગુજરાતી ફિલ્મ ઈન્ડસ્ટ્રીમાં ઈતિહાસ સજર્યો છે. આ ફિલ્મે બોક્સ ઓફિસ પર ૧૦૦ કરોડની કમાણીનો આંકડો પાર કરી લીધો છે ત્યારે મનોરંજન અને મીડિયા ક્ષેત્રના જાણીતા નામ 'સિતારા' ફિલ્મ 'લાલો' ના મેકર્સનું એક વિશેષ સમારોહમાં સન્માન કરવામાં આવ્યું હતું. સિતારા એ ભારતના ટીયર ર, ૩ અને ૪ શહેરો માટે ખાસ ડિઝાઈન કરાયેલું સિનેમા-થીમ્ડ મનોરંજન સ્થળ છે, જે નાની ક્ષમતા ધરાવતા અને ટેકનોલોજીથી સજ્જ થિયેટર પ્રદાન કરે છ. તેના સિનેમા નેટવર્ક પર આ ફિલ્મે તમામ રેકોર્ડ તોડી નાખ્યા છે.
સન્માન સમારોહ દરમિયાન, 'લાલો' ફિલ્મના નિર્માતા અને દિગ્દર્શકે આ ફિલ્મમાં વિશ્વાસ મૂકવા અને ગુજરાતી સિનેમાને ૧૦૦ કરોડ ક્લબમાં પહોંચાડવા બદલ દેશ-વિદેશના ગુજરાતી ડાયસ્પોરાના દર્શકોનો પણ આભાર માન્યો હતો.
સિતારાના સ્થાપક ટુટુ શર્મા અને રાહુલ નેહરાએ જણાવ્યું હતું. "જામખંભાળીયા સહિના અમારા તમામ કેન્દ્રો પર 'લાલો' એ તમામ રેકોર્ડ તોડી નાખ્યા છે. આગામી તા. ૧ર થી ૧૮ મહિનામાં ગુજરાતમાં રપ સ્ક્રીન્સ શરૂ કરવા માટે અમે મક્કમતાથી આગળ વધી રહ્યાં છીએ."
આ પ્રસંગે સિતારા અને 'લાલો' ના સર્જકોએ ગુજરાતમાં એક અત્યાધુનિક ફિલ્મ સિટી અને વર્લ્ડ ક્લાસ મીડિયા સ્કૂલ વિકસાવવામાં રસ દાખવ્યો હતો. આ પ્રોજેક્ટની વિગતવાર બ્લુપ્રિન્ટ ટૂંક સમયમાં સરકાર સમક્ષ રજૂ કરવામાં આવે તેવી શક્યતા છે. આ કાર્યક્રમમાં ફિલ્મના કલાકારો મૌલિક ચૌહાણ, શ્રુહદ ગોસ્વામી, કરણ જોશી, રીવા રાચ્છ અને ડીઓપી શુભમ ગજ્જર પણ ઉપસ્થિત રહ્યાં હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
