જામનગરની માધવ ગ્રીન સોસાયટીમાં રહેતા યુવાન સપ્તાહ પહેલાં ઘરેથી ચાલ્યા ગયા

Author: નોબત સમાચાર

જામનગરની માધવ ગ્રીન સોસાયટીમાં રહેતા યુવાન સપ્તાહ પહેલાં ઘરેથી ચાલ્યા ગયા

પત્ની તથા સસરા સાથે થઈ હતી બોલાચાલીઃ

જામનગર તા. ૨: જામનગરના જીઆઈડીસી દરેડ નજીક માધવ ગ્રીન સોસાયટીમાં વસવાટ કરતા એક યુવાન પોતાના ઘરેથી સપ્તાહ પહેલાં ક્યાંક ચાલ્યા ગયાની તેમના ભાઈએ પોલીસને જાણ કરી છે.

જામનગરના જીઆઈડીસી દરેડમાં સિક્યુરિટી ગાર્ડ તરીકે નોકરી કરતા રાજવીરસિંહ જશુભા જાડેજા (ઉ.વ.રર) નામના યુવાન ગઈ તા.ર૪ ડિસેમ્બરના દિને પોતાના ઘરેથી ક્યાંક ચાલ્યા ગયા છે. તેવી જાણકારી તેમના ભાઈ જયપાલસિંહ જશુભા જાડેજાએ સિક્કા પોલીસ સમક્ષ જાહેર કરી છે.

તેઓના જણાવ્યા મુજબ રાજવીરસિંહ દરેડમાં ગાર્ડ તરીકે નોકરી કરતા હતા અને મોટાભાગે નાઈટ ડ્યૂટી બજાવતા હતા. તેઓને પત્ની સાથે કોઈ બાબતે ઝઘડો થયા પછી તેમના પત્ની માવતરે ચાલ્યા ગયા હતા. તે પછી ગઈ તા.ર૪ના દિને રાજવીરસિંહ પોતાનો સામાન લેવા ઘરે આવ્યા ત્યારે તેમના પત્ની તથા સસરા ઘરમાં હાજર હતા. તેમની સાથે બોલાચાલી થતા રાજવીરસિંહે ફોન કરીને પોતાના ભાઈ જયપાલસિંહને આવવા માટે કહ્યું હતું. બાલંભડીથી જયપાલસિંહ ત્યાં પહોંચ્યા તે દરમિયાન રાજવીરસિંહ ઘરેથી નીકળી ગયા હતા.

ઉપરોક્ત તસ્વીરવાળા યુવાન પાતળો બાંધો, સાડા પાંચેક ફૂટની ઉંચાઈ અને ઉજળો વાન ધરાવે છે. તેઓએ છેલ્લે ક્રીમ રંગનું નાઈટ પેન્ટ અને બરૂન ટી-શર્ટ ધારણ કરેલું હતું. આ યુવાન અંગે કોઈને જાણકારી હોય તો તેઓએ સિક્કા પોલીસ-૬૩૫૯૬ ૨૭૮૪૪નો સંપર્ક કરવો.

જો આપને આ પોસ્ટ ગમી હોય તો શેર કરો...