દ્વારકા નજીક કુરંગા પાસે મકાનમાં ઘોડીપાસાથી ખેલાતા જુગાર પર દરોડોઃ ૧૯ લાખની મત્તા સાથે ર૪ ઝડપાયા

Author: નોબત સમાચાર

દ્વારકા નજીક કુરંગા પાસે મકાનમાં ઘોડીપાસાથી ખેલાતા જુગાર પર દરોડોઃ ૧૯ લાખની મત્તા સાથે ર૪ ઝડપાયા

નાલ ઉઘરાવી રમાડાતો હતો જુગારઃ નવા વર્ષની વહેલી સવારે દરોડોઃ

જામનગર તા. ૨: દ્વારકા નજીકના કુરંગામાં એક મકાનમાં રમાતા ઘોડીપાસાના જુગાર પર ૩૧ ડિસેમ્બરની રાત્રે એલસીબીએ દરોડો પાડી ર૪ શખ્સને દબોચી લીધા હતા. રોકડ, વાહનો, મોબાઈલ સહિત રૂ।.૧૯ લાખ ઉપરાંતનો મુદ્દામાલ કબજે કરવામાં આવ્યો છે.

દ્વારકા તાલુકાના કુરંગા ગામની સીમમાં ૩૧ ડિસેમ્બરની રાત્રે ઘોડીપાસા વડે જુગાર રમાતો હોવાની અને એક શખ્સ બીજાના મકાનમાં માણસો એકઠા કરી નાલ ઉઘરાવી જુગાર રમાડતા હોવાની બાતમી પરથી એલસીબીના સ્ટાફે ગુરૂવારની વહેલી સવારે કુરંગાની રેલવેવાળી વિસ્તારમાં દરોડો પાડ્યો હતો. ત્યાં આવેલા માયાભાઈ ગોપાલભાઈ ધારાણીના મકાનમાં લાખાભાઈ દલુભાઈ ધારાણી દ્વારા રમાડાતો જુગાર ઝડપાઈ ગયો હતો.

આ સ્થળેથી નાલ આપી ઘોડીપાસા વડે જુગાર રમતા માયા ગોપાલભાઈ ધારાણી, લાખા દલુભાઈ ધારાણી, સંજય હરદાસભાઈ માતકા, સુનિલ કરશનભાઈ ભાટીયા, સાજણ નાથાભાઈ મુન, કચરા ઉર્ફે કરશન લગધીરભાઈ સંધીયા, પેથા ભીમાભાઈ માતકા, જનક બાબુભાઈ પાંડાવદરા, જયેશ પ્રવીણભાઈ માતંગ, કિશોર ઉર્ફે કિરીટ મનસુખભાઈ ઘુચલા, બાબુ દેવાભાઈ કનારા, ઉમેદ નાકાભાઈ સુરાણી, રાજુ દેવશીભાઈ રવશી, પરેશ ઈશ્વરભાઈ મારૂ, રાજુ જીવાભાઈ લહેર, આસીફ ઉર્ફે ફૂલવાલા ઈશાભાઈ ફૂલવાલા, અલ્ફેશ ઈબ્રાહીમભાઈ અમરેલીયા, મયુર બુધાભાઈ ટોયટા, ફારૂક હુસેનભાઈ ઉડીયા, કલ્પેશ દિલીપભાઈ કારીયા, અલ્તાફ ઉર્ફે અતુડો સતારભાઈ આંબલીયા, રફીક નુરમામદભાઈ શેખ, હનીફ ગફારભાઈ કાસ તથા આદમ હુસેનભાઈ સંઘાર નામના ૨૪ શખ્સ મળી આવ્યા હતા.

એલસીબીએ રૂ।.૬,૭૦,૨૦૦ રોકડા, ૧૭ મોબાઈલ, ચાર મોટર, બે બાઈક મળી કુલ રૂ।.૧૯,૦૬,૨૦૦નો મુદ્દામાલ કબજે કર્યાે છે. આ કાર્યવાહી પીઆઈ બી.જે. સરવૈયાની સૂચના અને પીએસઆઈ બી.એમ. દેવમુરારી, વી.એમ. સીંગરખીયા, એસ.એસ. ચૌહાણ, એસ.વી. કાંબલીયાના વડપણ હેઠળ એલસીબી ટીમે કરી હતી.

જો આપને આ પોસ્ટ ગમી હોય તો શેર કરો...