Author: નોબત સમાચાર
રાજપાર્ક પાસે યુવતીને ફડાકા ઝીંકી દેવાયા
યુવતીના સંબંધી સામે કરાઈ ફરિયાદઃ
જામનગર તા. ૨: જામનગરના ગુલાબનગર રોડ પર આવેલા રાજપાર્ક પાસે ગયા મંગળવારની રાત્રે નવેક વાગ્યે સ્કૂટર સાથે ઉભેલા એક યુવતીને મોટર ઉભી રાખીને ઉતરેલા તેના સંબંધીએ બે ફડાકા ઝીંકી ગાળો ભાંડી જાનથી મારી નાખવાની ધમકી આપ્યાની ફરિયાદ કરવામાં આવી છે. પોલીસે તપાસ શરૂ કરી છે.
જામનગરના કાલાવડ નાકા બહાર આવેલા મોરકંડા રોડ પર કલ્યાણ ચોકમાં રહેતા સીરીનબેન સલીમભાઈ કુરેશી (ઉ.વ.૨૩) નામના યુવતી ગયા મંગળવારે રાત્રે નવેક વાગ્યે ગુલાબનગર રોડ પર રાજપાર્ક પાસે પોતાના સ્કૂટર સાથે ઉભા હતા.
આ વેળાએ ત્યાં ધસી આવેલા રામેશ્વરનગરમાં રહેતા રઈશ સલીમભાઈ કુરેશી નામના શખ્સે પોતાની ઈકો મોટર ઉભી રાખ્યા પછી તેમાંથી ઉતરીને સીરીનબેનને બે ફડાકા ઝીંકી દીધા હતા અને ગાળો ભાંડી જાનથી મારી નાખવાની ધમકી આપી હતી. સિટી બી ડિવિઝન પોલીસ સ્ટેશનમાં સીરીનબેને ફરિયાદ નોંધાવી છે. પોલીસે તેમના સંબંધી રઈશ કુરેશી સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
