Author: નોબત સમાચાર
કાલાવડ નાકા બહાર કલ્યાણ ચોક પાસેથી ઈંગ્લીશ દારૂની નાની મોટી પાંચ બોટલ પકડાઈ
જામજોધપુરના વેરાવળની સીમમાંથી મળી દારૂની બોટલઃ
જામનગર તા. ૫: જામનગરના કાલાવડ નાકા બહાર આવેલા કલ્યાણ ચોક પાસેથી ગઈકાલે સાંજે એક શખ્સ ઈંગ્લીશ દારૂની નાની મોટી પાંચ બોટલ સાથે ઝડપાઈ ગયો છે. જ્યારે જામજોધપુરના વેરાવળ ગામની સીમમાંથી દેશી દારૂની ભઠ્ઠી પકડાઈ છે. સ્થળ પરથી ૮૦૦ લીટર આથો કબજે લેવામાં આવ્યો છે.
જામનગરના કાલાવડ નાકા બહાર આવેલા મોરકંડા રોડ સ્થિત કલ્યાણ ચોક પાસેથી ગઈકાલે સાંજે પસાર થતાં ધર્મેશ નરશીભાઈ બોરસરા નામના ગોલારાણા શખ્સને પેટ્રોલીંગમાં રહેલા સિટી એ ડિવિઝનના સર્વેલન્સ સ્ટાફે શકના આધારે રોકાવી તલાશી લેતા આ શખ્સ પાસેથી ઈંગ્લીશ દારૂની બે મોટી બોટલ તથા ચપલા મળી આવ્યા હતા. પોલીસે રૂ.૧૩૦૦નો દારૂનો જથ્થો કબજે કરી ધર્મેશની ધરપકડ કરી છે.
જામજોધપુર તાલુકાના વેરાવળ ગામની વડલી ધાર સીમ વિસ્તારમાં ગઈરાત્રે બારેક વાગ્યે બાતમીના આધારે જામજોધપુર પોલીસ સ્ટેશનના સ્ટાફે દરોડો પાડતા ત્યાં બાવળની ઝાળીઓમાં ધમધમતી દેશી દારૂની ભઠ્ઠી સાથે હુસેન આમદ રાવકરડા ઉર્ફે ઘોડી નામનો શખ્સ મળી આવ્યો હતો.
પોલીસે તે સ્થળેથી ૮૦૦ લીટર આથો, દેશી દારૂની ભઠ્ઠીના સાધનો કબજે કરી હુસેન રાવકરડાની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
