Author: નોબત સમાચાર
દુષ્કર્મના આરોપમાં સંડોવાયેલા નગરના ઉદ્યોગપતિને બુધવારે હાજર થવા આદેશ
આગોતરા જામીન અરજીમાં હાઈકોર્ટનો હુકમઃ
જામનગર તા. ૫: જામનગરના એક ઉદ્યોગપતિ એક મહિલાના અંગત પળોના બનાવી લીધેલા વીડિયોના આધારે અવારનવાર દુષ્કર્મ ગુજારવાના આરોપમાં સંડોવાયા પછી આગોતરા જામીન મેળવવા હાઈકોર્ટના શરણે પહોંચ્યા હતા. હાઈકોર્ટે આ આરોપીને આવતા બુધવાર પહેલાં તપાસનીશ પોલીસ અધિકારી સમક્ષ હાજર થઈ જવા હુકમ કર્યાે છે.
જામનગરના ઉદ્યોગપતિ અને ભારતીય જનતા પાર્ટીના કિસાન મોરચાના શહેરના પૂર્વ ઉપપ્રમુખ વિશાલ મહેન્દ્રભાઈ મોદી સામે એક મહિલાએ નાઘેડી પાસે આવેલી પોતાની પ્રોપર્ટી બતાવવા લઈ જવાના બહાને સાથે રાખી એક વીલામાં કેફી પ્રવાહી પીવડાવ્યા પછી દુષ્કર્મ ગુજાર્યાની અને તેનો વીડિયો બનાવ્યા પછી વારંવાર દુષ્કર્મનો ભોગ બનાવ્યાની પોલીસમાં ફરિયાદ નોંધાવી હતી.
ઉપરોક્ત ગુન્હામાં નાસતા ફરતા આરોપીએ જામનગરની સેશન્સ કોર્ટમાં આગોતરા જામીન મેળવવા કરેલી અરજી નામંજૂર થઈ હતી. તેથી આરોપીએ ગુજરાત હાઈકોર્ટમાં આગોતરા જામીન અરજી રજૂ કરી હતી. હાઈકોર્ટે ફરિયાદની વિગત જાણ્યા પછી આગોતરા જામીનના હુકમની બદલે આગામી તા.૧૦ના દીને આ ગુન્હાની તપાસ કરતા પોલીસ અધિકારી સમક્ષ હાજર થવા વિશાલ મોદીને આદેશ કર્યાે છે અને મોબાઈલ ફોન સાથે રાખવા સૂચના આપી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
