Author: નોબત સમાચાર
જામનગરમાં આજે સાંજે આમઆદમી પાર્ટીની બાઈક રેલી તથા સભાનું આયોજન
'આપ'ના પ્રદેશ અધ્યક્ષ ઈશુદાન ગઢવીની ઉપસ્થિતિમાં
જામનગર તા. ૫: આમઆદમી પાર્ટીના પ્રદેશ અધ્યક્ષ સહિતના નેતાઓ આજે જામનગર આવી રહ્યા છે અને બપોરે બાઈક રોડ શો પછી ટાઉનહોલમાં સભા ગજાવશે, જ્યાં કોંગ્રેસના ત્રણ કોર્પોરેટરો સહિત અનેક આગેવાનો 'આપ'નો ખેસ ધારણ કરશે. ત્યારે રાજકારણમાં નવા અધ્યાયની શરૂઆત થશે. સામે જ કોંગ્રેસને મોટો ફટકો પડયો છે.
આજે બપોરે ૩ વાગ્યે આમઆદમી પાર્ટી દ્વારા મહાપ્રભુજીની બેઠક પાસેથી બાઈક રોડ શોનું આયોજન કરવામાં આવ્યું છે. આ બાઈક રોડ શો કાલાવડ નાકા, દરબારગઢ, ચાંદી બજાર, દીપક ટોકીઝ, બેડી ગેઈટ થઈ ટાઉનહોલ પહોંચશે જ્યાં સભાનું આયોજન સાંજે ૫ વાગ્યે કરવામાં આવ્યું છે.
આપના પ્રદેશ અધ્યક્ષ ઈશુદાન ગઢવી, ધારાસભ્ય ગોપાલ ઈટાલીયા, અને હેમંત ખવા, શહેર પ્રમુખ રાજેન્દ્રસિંહ સોઢા વિગેરે ઉપસ્થિત રહેશે. આ સાથે જ વોર્ડ નંબર ૧૨ના કોર્પોરેટર અસ્લમ ખીલજી, જેનબબેન ખફી, અને સ્થાનિક આગેવાન હાજી રીઝવાન જુણેજા વગેરે દ્વારા પણ બાઈક રોડ શોનું આયોજન કરાયું છે. તેઓ પણ રેલી મારફત ટાઉનહોલ પહોંચશે અને બાદમાં પ્રદેશ પ્રમુખની હાજરીમાં આપમાં જોડાશે
આમ, જામનગરમાં 'આપ' નો પગપેસારો થઈ ચૂક્યો છે.
જ્યારે કોંગ્રેસને મોટો ફટકો પડયો છે. આ ઉપરાંત અનેક આગેવાનો, સમર્થકો પણ અસ્લમ ખીલજી અને જેનબબેન ખફી સાથે આપનો ખેસ ધારણ કરશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
