Author: નોબત સમાચાર
દ્વારકા જિલ્લામાં રવિવારે ૬૫ સરપંચ તથા ૩૨૧ સભ્યોની ચૂંટણી માટે મતદાન
ગ્રામ પંચાયતોની ચૂંટણીઓ માટે તંત્ર દ્વારા તૈયારીઓ
ખંભાળીયા તા. ૨૧: દેવભૂમિ દ્વારકા જિલ્લામાં તા. ૨૨--૨૫ના ૬૫ સરપંચો તથા ૩૨૧ સભ્યોની ચૂંટણી થશે. આ માટે તંત્ર તૈયારીમાં લાગી ગયું છે.
દેવભૂમિ દ્વારકા જિલ્લાના ચારેય તાલુકાઓમાં તા. ૨૨-૬-૨૫ના ગ્રામ પંચાયતોની ચૂંટણીઓ યોજાનાર હોય તંત્ર દ્વારા તૈયારીઓ કરાઈ છે.
જિલ્લામાં કુલ ૮૫ ગ્રામ પંચાયતોની ચૂંટણીઓ હતી જેમાં ૧૫ ગ્રામ પંચાયતોમાં સંપૂર્ણ ગ્રામ પંચાયત બીનહરીફ સમરસ થઈ તથા પાંચમાં સરપંચ બીનહરીફ થતા બાકી રહેલા ૬૫ સરપંચો તથા ૩૨૧ સભ્યોની ચૂંટણીઓ થનાર છે. ખંભાળીયા તાલુકામાં નવ સરપંચો તથા ગ્રામ પંચાયતની, દ્વારકામાં પંદર, ભાણવડમાં અઢાર અને કલ્યાણપુરમાં સૌથી વધુ ૨૩ સરપંચોની ચૂંટણીઓ થશે. જેમાં ૬૦૮૬૫ પુરૂષ તથા ૫૮૩૭૪ મહિલાઓ મળીને કુલ ૧,૧૯, ૨૪૩ મતદારો તા. ૨૨-૬ ના મતદાન કરશે.
સૌથી વધુ પાંચ ગ્રામ પંચાયતો ભાણવડમાં સમરસ થઈ જેમાં, માનપર, રાણપર, કંડોલીયા, ફતેપુર તથા જંબુસરનો સમાવેશ થાય છે ખંભાળીયામાં ચાર ગ્રામ પંચાયતો સમરસ થઈ જેમાં નવા તથીયા, પીપળીયા, ભાતેલ તથા ઉગમણા બારા છે. દ્વારકા તાલુકામાં પણ ચાર ગ્રામ પંચાયતો સમરસ થઈ જેમાં હમસુર, રંગપર, જુની ધ્રેવાળ, તથા મુળવાસર છે, જ્યારે કલ્યાણપુર તાલુકામાં સુર્યાવદર, અને કનકપર બે ગ્રામ પંચાયત જ સમરસ થઈ હતી.
પેટા ચૂંટણીઓ છે તેમાં ખંભાળીયા, કલ્યાણપુર તથા ભાણવડમાં એક-એક સરપંચ મળી ત્રણ સરપંચોની તથા ૭૯ સદસ્યોની પણ ચૂંટણીઓ છે. અહીં કુલ ૧૩ સભ્યો બીનહરીફ થયા હતા. કુલ ૧૬૮ મતદાન બુથો પર મતદાન થશે જે માટે મતદાન અધિકારી તથા મદદનીશ સ્ટાફની નિયુક્તિ થઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
