Author: નોબત સમાચાર
ચારિત્ર્ય વિશે ખરાબ વાત કરતા સાથી કર્મચારીઓને કહેવા ગયેલા મહિલાને ધમકી
જી.જી. હોસ્પિટલના ગાયનેક વોર્ડના કર્મચારીની રાવઃ
જામનગર તા. ૨૧: જામનગરની જી.જી. હોસ્પિટલમાં ગાયનેક વોર્ડમાં સફાઈ કામ કરતા એક મહિલાને અન્ય કોન્ટ્રાક્ટરમાં કામ કરતી બે મહિલાઓ અવારનવાર મેણા મારી ચારિત્ર્ય વિશે ખરાબ બોલતા હતા. તેને આવી વાતો ન કરવાનું કહેવાતા આ મહિલાઓએ ઝપાઝપી કરવા ઉપરાંત એક મહિલાએ એટ્રોસિટીના ખોટા કેસમાં સંડોવી દેવાની ધમકી આપતા આખરે પોલીસમાં ફરિયાદ કરાઈ છે.
જામનગરના ધરારનગર-૧માં વસવાટ કરતા અને જી.જી. હોસ્પિટલના ગાયનેક વિભાગમાં સફાઈ કામદાર તરીકે ફરજ બજાવતા ફરીદાબેન સલીમ ખીરા નામના મહિલાએ સિટી બી ડિવિઝન પોલીસ સ્ટેશનમાં સુનંદાબેન બાગલે, જયાબેન હરીશભાઈ રાઠોડ સામે ગઈકાલે ફરિયાદ નોંધાવી છે.
ફરિયાદમાં જણાવવામાં આવ્યા મુજબ ફરીદાબેન તથા સુનંદાબેન સહિતના વ્યક્તિઓ ગાયનેક વિભાગમાં જુદા જુદા કોન્ટ્રાક્ટમાં નોકરી કરે છે. તે દરમિયાન ફરીદાબેન સહિતના ૫૪ અવેજી સફાઈ કર્મચારીઓએ થોડા વર્ષ પહેલાં કાયમી થવા માટે હાઈકોર્ટમાં કેસ કર્યાે હતો. તે કેસનો સાડા પાંચેક વર્ષ પહેલા નિકાલ થયો હતો અને હાઈકોર્ટે ૫૪ સફાઈ કર્મચારીને કાયમી કરવાનો આદેશ કર્યાે હતો.
ત્યારપછી સુનંદાબેન તથા જયાબેનને આ બાબત પસંદ પડી ન હતી. ગાયનેક વોર્ડમાં સફાઈ કામ વખતે સામસામા મળી જતી વખતે આ બંને મહિલા ફરીદાબેન સાથે ગેરવર્તન કરી તેણીની બદનામી થાય તે રીતની વાતો કરી ખરાબ બોલતા હતા. તે પછી આમ નહીં કરવા માટે ફરીદાબેને કહેતા આ મહિલાઓએ તેઓની સાથે ઝપાઝપી કરી એટ્રોસિટીના કેસમાં ફરીદાબેન તથા અન્ય ઉપરી અધિકારીને ફીટ કરાવવાની ધમકી આપી દાટી મારતા આખરે ફરીદાબેને પોલીસમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
