Author: નોબત સમાચાર
ગુજરાતના મહત્તમ જિલ્લાઓમાં આજથી પાંચ દિવસ દરમ્યાન પડશે ધોધમાર વરસાદ
હવામાન ખાતાની તારીખવાર આગાહીઃ
અમદાવાદ તા. ૨૧ હવામાન ખાતાએ આજથી પાંચ દિવસ સુધી રાજ્યમાં ધોધમાર વરસાદની આગાહી કરી છે.
હવામાન ખાતાની આગાહી મુજબ આજે શનિવારે (૨૧ જૂન) કચ્છ, પાટણ, બનાસકાંઠા, સાબરકાંઠા, તાપી, ડાંગ, નવસારી, વલસાડ જિલ્લાના છૂટાછવાયા સ્થળોએ ગાજવીજ સાથે ભારે વરસાદને લઈને એલર્ટ જાહેર કર્યું છે.
આવતીકાલે ૨૨ જૂનથી રાજ્યમાં વરસાદનું જોર વધશે. તા. ૨૨ જૂને નવસારી, વલસાડ, બનાસકાંઠા અને સાબરકાંઠામાં અતિભારે વરસાદનું ઓરેન્જ એલર્ટ અને કચ્છ, પાટણ, મહેસાણા, ગાંધીનગર, અમદાવાદ, સુરેન્દ્રનગર, મોરબી, જામનગર, મહીસાગર, ખેડા, અરવલ્લી, દાહોદ, પંચમહાલ, આણંદ, તાપી, ડાંગ જિલ્લાઓમાં યલો એલર્ટ જાહેર કર્યું છે.
રાજ્યમાં ૨૩ જૂને ૨૧ થી વધુ જિલ્લામાં ભારે થી અતિભારે વરસાદની આગાહી છે. જેમાં સાબરકાંઠા, મહેસાણા, અમરેલી, ભાવનગર, નવસારી, વલસાડ જિલ્લામાં ઓરેન્જ એલર્ટ અને બનાસકાંઠા, પાટણ, ગાંધીનગર, અમદાવાદ, સુરેન્દ્રનગર, બોટાદ, રાજકોટ, ગીર સોમનાથ, મહીસાગર, ખેડા, અરવલ્લી, દાહોદ, પંચમહાલ, તાપી, ડાંગ જિલ્લાઓમાં યલો એલર્ટ હોવાથી ભારે વરસાદની શક્યતા છે.
૨૪ જૂને રાજ્યના મોટાભાગમાં વિસ્તારોમાં જળબંબાકારની સ્થિતિ રહેવાની શક્યતા છે. આ દિવસે બનાસકાંઠા, મહેસાણા, સાબરકાંઠા, અમરેલી, ભાવનગર, નવસારી અને વલસાડ જિલ્લામાં અતિભારે વરસાદને લઈને ઓરેન્જ એલર્ટ અને કચ્છ, પાટણ, સુરેન્દ્રનગર, અમદાવાદ, ગાંધીનગર, ખેડા, મહીસાગર, આણંદ, ભરૂચ, વડોદરા, પંચમહાલ, સુરત, તાપી, ડાંગ, ગીર સોમનાથ, જૂનાગઢ, રાજકોટ, બોટાદ જિલ્લાઓમાં યલો એલર્ટ જાહેર કર્યું છે.
૨૫ જૂને નવસારી, વલસાડ અને દેવભૂમિ દ્વારકામાં અતિભારે વરસાદ અને કચ્છ, મોરબી, સુરેન્દ્રનગર, રાજકોટ, પોરબંદર, જૂનાગઢ, ગીર સોમનાથ, સુરત, તાપી, ડાંગ જિલ્લામાં ગાજવીજ સાથે ભારે વરસાદની આગાહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
