Author: નોબત સમાચાર
જોગવડની સીમમાં ગાંજો વેચતા શખ્સની ધરપકડ ૧૧૦૫ ગ્રામ ગાંજો કબજેઃ ત્રણ શખ્સ સામે ગુન્હો
ઝડપાયેલા આરોપીએ ભાભી સાથે મળી શરૂ કર્યું'તું વેચાણઃ
જામનગર તા. ૨૧: લાલપુર તાલુકાના જોગવડ ગામની સીમમાં ગઈકાલે પોલીસે ભાડાના એક મકાનમાં દરોડો પાડી મૂળ ઉત્તરપ્રદેશના શખ્સને ૧૧૦૫ ગ્રામ ગાંજા સાથે દબોચી લીધો છે. પોતાના ભાભીને ભાગીદાર તરીકે રાખી આ શખ્સ ગાંજો વેચતો હતો. તેણે મેઘપરના એક શખ્સ પાસેથી ગાંજો લીધાની કબૂલાત આપી છે. પોલીસે મહિલા સહિત ત્રણ સામે એનડીપીએસ એક્ટ હેઠળ ગુન્હો નોંધ્યો છે.
જામનગર-ખંભાળિયા રોડ પર આવેલા લાલપુર તાલુકાના જોગવડ ગામની સીમમાં એક મકાનમાં પરપ્રાંતીય શખ્સ ગાંજાનું વેચાણ કરતો હોવાની બાતમી મળતા ગઈકાલે સાંજે મેઘપર પોલીસ સ્ટેશનના સ્ટાફે પીઆઈ પી.ટી. જયસ્વાલના વડપણ હેઠળ જોગવડની સીમમાં ૬૬ કેવી સબ સ્ટેશન નજીક દરોડો પાડ્યો હતો.
આ સ્થળેથી મૂળ ઉત્તરપ્રદેશના આજમગઢ જિલ્લાના કોઠીયાર ગામનો પ્રેમચંદ બ્રિજનાથ ચૌહાણ નામનો શખ્સ ૧ કિલો ૧૦૫ ગ્રામ ગાંજા સાથે મળી આવ્યો હતો. પોલીસે તેની ધરપકડ કરી અંદાજે રૂ.૧૧ હજારનો ગાંજો કબજે લીધો છે. આ શખ્સની પૂછપરછ કરાતા તેણે મેઘપરમાં વસવાટ કરતા જગદીપસિંગ લખબીરસિંગ ઉર્ફે જગ્ગી નામના શખ્સ પાસેથી વેચવા માટે ગાંજો લીધાની અને આ ધંધામાં તેના ભાભી સુનીતાબેન વિદ્યાચલ યાદવ ભાગીદાર હોવાની કબૂલાત કરી છે. પોલીસે ગાંજો, એક મોબાઈલ, રૂ.૪૯૨૦ રોકડા તથા પ્લાસ્ટિકના ૨૯ પાઉચ કબજે કરી આ શખ્સની ધરપકડ કરી લીધી છે અને સુનીતાબેન સહિત ત્રણેય સામે એનડીપીએસ એક્ટ હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
