Author: નોબત સમાચાર
ત્રણ નવા ફોજદારી કાયદા અંગે રાખવામાં આવેલી સ્પર્ધાના વિજેતાઓના નામ ઘોષિત
વિજેતાઓને જાહેર કાર્યક્રમમાં એનાયત કરાશે ઈનામઃ
જામનગર તા. ૨૧: જામનગર જિલ્લા પોલીસ દ્વારા કેન્દ્ર સરકારના ત્રણ નવા ફોજદારી કાયદા અંગે ચિત્ર તથા ઓડિયો-વીડિયો સ્પર્ધા રાખવામાં આવી હતી. તેના વિજેતાઓના નામ જાહેર થયા છે. વિજેતાઓને થોડા જ દિવસોમાં જાહેર કાર્યક્રમમાં ઈનામ એનાયત થશે.
કેન્દ્ર સરકાર દ્વારા તાજેતરમાં લાગુ કરવામાં આવેલા ભારતીય ન્યાયસંહિતા, ભારત નાગરિક સુરક્ષા સંહિતા અને ભારતીય સાક્ષ્ય અધિનિયમ નામના ત્રણ નવા ફોજદારી કાયદાની થીમ પર જામનગર જિલ્લા પોલીસ દ્વારા સુરક્ષા સેતુ સોસાયટી અંતર્ગત સ્પર્ધાનું આયોજન કરાયું હતું.
આ થીમ પર વીડિયો-ઓડિયો તથા ચિત્ર સ્પર્ધા રખાઈ હતી. તેમાં વીડિયો સ્પર્ધામાં જય વિપુલભાઈ ભટ્ટ પ્રથમ ક્રમે તથા કરણ લાલચંદ્ર જાગવાણી અને મીતા સંજય દોશી દ્વિતીય તથા તૃતીય ક્રમે વિજેતા થયા છે. જ્યારે ઓડિયો સ્પર્ધામાં રચના દિનેશભાઈ ત્રિવેદી, અપેક્ષા પ્રવીણભાઈ જોષી, સ્નેહા સંજયભાઈ ચોપડા વિજેતા થયા છે. ચિત્ર સ્પર્ધામાં કશીશ ઉપેન્દ્ર મિશ્રા, ધર્મેશ ઈન્દુલાલ લીયા, રાજવીર અજયભાઈ ચૌહાણ પ્રથમ, દ્વિતીય અને તૃતીય ક્રમે વિજેતા થયા છે.
ત્રણેય સ્પર્ધાના વિજેતાઓને એસપી પ્રેમસુખ ડેલુ દ્વારા અભિનંદન પાઠવવામાં આવ્યા છે. ત્રણેય સ્પર્ધાના વિજેતાઓને તેઓના ઈનામની રકમ થોડા જ દિવસોમાં યોજાયેલા જાહેર કાર્યક્રમમાં એનાયત કરવામાં આવશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
