Author: નોબત સમાચાર
દ્વારકા જિલ્લાના આસામીના ખાતામાંથી રૂ.૫૦ હજાર ઉપાડી લેનાર શખ્સ ઝડપાયો
સાયબર ક્રાઈમ પોલીસે ગ્વાલીયરમાંથી દબોચી લીધોઃ
જામનગર તા. ૨૧: દ્વારકા જિલ્લાના એક આસામીના મોબાઈલનું એક્સેસ મેળવી લઈ રૂ.૫૦ હજાર બેંક ખાતામાંથી ઉપાડી લેનાર આરોપીને સાયબર ક્રાઈમ પોલીસે મધ્યપ્રદેશના ગ્વાલીયરમાંથી પકડી પાડ્યો છે.
દેવભૂમિ દ્વારકા જિલ્લામાં વસવાટ કરતા એક આસામીને વોટ્સએપમાં એપીકે ફાઈલ મોકલાવી તેમના મોબાઈલનું એક્સેસ મેળવી લીધા પછી તેમના બેંક ખાતામાંથી રૂ.૫૦ હજાર ઉપડી ગયા હતા. આ બાબતની ગયા ફેબ્રુઆરી મહિનામાં સાયબર ક્રાઈમ પોલીસ સ્ટેશનમાં ફરિયાદ કરવામાં આવી હતી.
દેવભૂમિ દ્વારકા સાયબર ક્રાઈમ પોલીસે પીઆઈ વી.કે. કોઠીયાની સૂચનાથી શરૂ કરેલી તપાસમાં મધ્યપ્રદેશના ગ્વાલીયરમાંથી વિષ્ણુપ્રતાપસિંગ બ્રિજકિશોરસિંગ નામના શખ્સને પકડી પાડ્યો છે. તેના કબજામાંથી બે મોબાઈલ, લેપટોપ, વાઈફાઈનું રાઉટર મળી કુલ રૂ.૧૫૬૫૦૦નો મુદ્દામાલ કબજે કરાયો છેે. આ શખ્સને ખંભાળિયા ખસેડી સાયબર ક્રાઈમ પોલીસે તેની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
