Author: નોબત સમાચાર
સ્વાતંત્ર્ય દિને વડાપ્રધાને લાલકિલ્લા પરથી ફરકાવ્યો તિરંગો
વિવિધતા, વસ્તી, લોકશાહી અને પૂર્વજોના વારસા થકી આપણાં સપના સિદ્ધ કરીશું: મોદી
નવી દિલ્હી તા.૧પ: આજે દેશના ૭૭ મા સ્વાતંત્ર્ય દિને વડાપ્રધાન નરેન્દ્ર મોદીએ તિરંગો ફરકાવીને જુસ્સેદાર સંબોધન કર્યું હતું. જેમાં ઘણાં વિષયો આવરી લીધા હતા અને કેટલીક જાહેરાતો પણ કરી છે.
ભારતના ૭૭મા સ્વતંત્રતા દિવસે વડાપ્રધાન નરેન્દ્ર મોદીએ લાલ કિલ્લા પરથી તિરંગો ફરકાવી સંબોધન કર્યું હતું. આઝાદીના અમૃત મહોત્સવ પર પોતાના સંબોધનમાં ઈતિહાસનો ઉલ્લેખ કરતા પીએમ મોદીએ કહ્યું કે, દેશ આજે જે પણ નિર્ણય લેશે તેની અસર આવનારા હજાર વર્ષ સુધી ભારતના ભાગ્ય પર પડશે.
આ દેશ પર ૧૦૦૦-૧ર૦૦ વર્ષ પહેલા હુમલો થયો હતો. એક નાનકડા રાજ્યના નાના રાજાનો પરાજ્ય થયો, પણ ત્યારે ખબર ન હતી કે એક ઘટના ભારતને હજાર વર્ષ સુધી ગુલામીમાં ફસાવી દેશે અને આપણે ગુલામ બનતા જઈશું તે ઈચ્છે તેમ આપણને લૂંટતા રહ્યો, જેની ઈચ્છે થઈ એ આપણા પર સવાર થઈ ગયા તે વિપરીત ક્ષણમાં બનેલી આ ઘટના ભલે નાની હોય, પરંતુ તેની અસર હજાર વર્ષ સુધી રહી. પ્રધાનમંત્રીએ કહ્યું કે ભારતના વીરોએ આ પ્રતિકૂળ પરિસ્થિતિમાં આઝાદીની જયોત પ્રજ્વલિત રાખી અને હજાર વર્ષની ગુલામી બાદ આખરે ૧૯૪૭ માં દેશ આઝાદ થયો.
આ ઘટનાનો ઉલ્લેખ કરવાનું કારણ જણાવતા વડાપ્રધાન મોદીએ કહ્યું, આજે હું હજાર વર્ષ પહેલાની વાત કહું છું, કારણ કે દેશ સમક્ષ ફરી એક તક આવી છે. આજે આપણે જે ગાળામાં જીવી રહ્યા છીએ તે સમયગાળામાં આપણે જે પગલાં લઈશું, જે નિર્ણયો લઈશું, તેનાથી આવનારા એક હજાર વર્ષનો દેશનો સુવર્ણ ઈતિહાસ અંકુરિત થશે. આ સમયગાળા દરમિયાન બનતી ઘટનાઓની અસર આવનારા હજાર વર્ષ પર પડશે. લાલ કિલ્લા પરથી પોતાના જુસ્સેદાર સંબોધનમાં વડાપ્રધાન મોદીએ કહ્યું કે છેલ્લા ૯-૧૦ વર્ષમાં હું અનુભવી રહ્યો છું કે છેલ્લા ૯-૧૦ વર્ષમાં ભારતની ચેતના પ્રત્યે વિશ્વમાં નવું આકર્ષણ, નવો વિશ્વાસ, નવી આશા જાગી છે અને સંભવિત પીએમ મોદી કહે છે કે ભારતમાંથી ઉગતા આ પ્રકાશમાં દુનિયા પ્રકાશ જોઈ રહી છે.
આ દરમિયાન પીએમ મોદીએ વધુમાં વધુ કહ્યું કે આપણા પૂર્વજોએ આપણને જે વારસો આપ્યો છે તેની સાથે આપણે દુનિયાને રસ્તો બતાવી શકીએ છીએ. પીએમ મોદીએ કહ્યું આપણી પાસે વસ્તી, લોકશાહી, વિવિધતા છે અને આ ત્રિવેણીમાં ભારતના દરેક સપનાને સાકાર કરવાની ક્ષમતા છે. તેથી જ હવે આપણે ન તો અટકવાનું છે કે ન તો કોઈ મુંઝવણમાં રહેવાનું છે. ખોવાયેલા વારસા અને સમૃદ્ધિને યાદ કરીને આપણે એવા નિર્ણયો લેવા પડશે. જે આગામી એક હજાર વર્ષ સુધી દેશની દિશા નક્કી કરશે.
પીએમ મોદીએ ૧૪૦ કરોડ ભારતીયોના પરિવારને સંબોધિત કરીને લાલ કિલ્લા પરથી તેમના ૧૦ મા સંબોધનની શરૃઆત કરી ત્યારથી જ પરિવારના સભ્યો શબ્દનો ઉલ્લેખ કરવાનું ચાલુ રાખ્યું હતું. સામાન્ય રીતે પીએમ મોદી પોતાના સંબોધનમાં દેશવાસીઓ શબ્દનો ઉપયોગ કરે છે, પરંતુ આ વખતે પીએમ મોદીએ પરિવારના સભ્યો શબ્દનો સતત ઉપયોગ કર્યો. આ સિવાય પીએમ મોદીએ વિશ્વને એક સ્પષ્ટ સંદેશ આપ્યો અને નવી વિશ્વ વ્યવસ્થા વિશે વાત કરી, તેમણે કહ્યું કે, આ નિર્ણય લેવાની ભૂમિકા નિર્ણાયક રહેશે અને ભારત પણ આ માટે તૈયાર છે.
પીએમ મોદીએ મહર્ષિ અરબિંદો અને દયાનંદ સરસ્વતી તેમજ રાણી દુર્ગાવતી અને મીરાબાઈનો પણ ઉલ્લેખ કર્યો હતો. મણિપુર હિંસા અંગે તેમણે કહ્યું કે મણિપુરમાં હિંસાનો સમયગાળો હતો, તેમણે કહ્યું કે થોડા દિવસોથી મણિપુરમાં શાંતિ હોવાના અહેવાલો છે. દેશ મણિપુરની સાથે પીએમ મોદીએ કહ્યું કે શાંતિથી જ ઉકેલનો રસ્તો મળશે. કેન્દ્ર અને રાજ્ય સરકારો સાથે મળીને ઉકેલ શોધવા માટે કામ કરી રહી છે.
પીએમ મોદીએ લાલ કિલ્લા પરથી કહ્યું, ર૦૧૪ માં મેં પરિવર્તન લાવવાનું વચન આપ્યું હતું, તમે દેશવાસીઓએ મારા વિશ્વાસ કર્યો. મેં તમને આપેલા મારા વચનને વિશ્વાસમાં ફેરવી દીધું. ર૦૧૯ માં પ્રદર્શનના આધારે તમે મને ફરીથી આશીર્વાદ આપ્યા પરિવર્તને મને બીજી તક આપી. હું તમારા બધા સપના પૂરા કરીશ. ર૦૪૭ નું સપનું સાકાર કરવાની સૌથી મોટી સોનેરી ક્ષણ આવતા પાંચ વર્ષ છે. આગામી ૧પ ઓગસ્ટે આ લાલ કિલ્લા પરથી હું તમારી સામે દેશની ઉપલબ્ધિઓ અને વિકાસ રજુ કરીશ. આગામી ૧પ મી ઓગષ્ટે ફરી આવીશ. હું ફકત તમારા માટે જ જીવું છું. જો હું પરસેવો કરું છું, તો હું તમારા માટે પરસેવો પાડુ છું. આ પહેલા પીએમ મોદીએ ટ્વિટર પર દેશાસીઓને ૭૭ મા સ્વતંત્રતા દિવસની શુભેચ્છા પાઠવી હતી. તેમણે ટ્વિટર પર લખ્યું કે, તમને બધાને સ્વતંત્રતા દિવસની અનેકોઅનેક શુભેચ્છાઓ. આવો, આ ઐતિહાસિક અવસર પર અમૃતકાળમાં વિકસીત ભારતના સંકલ્પને મજબુત કરીએ. જય હિન્દ !
નોંધનીય છે કે અટલ બિહારી વાજપેયીએ પ્રધાનમંત્રી પદ પર રહેતા ૬ વખત તિરંગો ફરકાવ્યો હતો. રાજીવ ગાંધી અને પીવી નરસિંહા રાવે પાંચ પાંચ વખત જ્યારે મોરારજી દેસાઈએ બે વખત ચૌધરી ચરણ સિંહ, વીપી સિંહ, એચડી દેવગૌડા અને આઈકે ગુજરાલે એક એક વખત લાલ કિલ્લાથી રાષ્ટ્રધ્વજ ફરકાવ્યો અને રાષ્ટ્રને સંબોધન કર્યું. ભારતના પૂર્વ પ્રધાનમંત્રી મનમોહન સિંહે ૧૦ વખત રાષ્ટ્રધ્વજ લાલ કિલ્લા પર ફરકાવ્યો હતો, આજે પ્રધાનમંત્રી મોદીએ પણ ૧૦ મી વખત રાષ્ટ્રધ્વજ ફરકાવીને આ રેકોર્ડની બરાબરી કરી લીધી છે.
પ્રારંભમાં જ પીએમ મોદીએ મણિપુર હિંસાનો ઉલ્લેખ કરતા કહ્યું કે, છેલ્લા કેટલાક દિવસોમાં મણિપુરમાં હિંસા ફેલાઈ, માતા-બહેનોના સન્માન સાથે ખિલવાડ કરવામાં આવ્યો, પરંતુ છેલ્લા કેટલાક દિવસોથી અહિંની સ્થિતિ સામાન્ય થઈ રહી છે. શાંતિ પાછી આવી રહી છે. કેન્દ્ર અને રાજ્ય સરકાર શાંતિ, પુનઃસ્થાપિત કરવા માટે કામ કરી રહી છે. દેશ મણિપુરના લોકોની સાથે છે શાંતિ દ્વારા જ તેમાંથી બહાર નીકળવાનો રસ્તો મળશે. રાજ્ય અને કેન્દ્ર સરકાર મળીને આ સમસ્યાઓના ઉકેલ માટે ઘણાં પ્રયાસો કરી રહી છે, સમગ્ર દેશ આજે મણિપુરની સાથે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (31)_copy_800x450~2.jpeg)
