Author: નોબત સમાચાર
દ્વારકા જિલ્લાની શાળાઓમાં નિબંધ-કાવ્ય લેખન સહિતની સ્પર્ધાઓ યોજાઈ
૧પ મી ઓગસ્ટની ઉજવણીના ભાગરૂપે આયોજન
ખંભાળીયા તા. ૧૩: જિલ્લા વહીવટી તંત્ર અને જિલ્લા શિક્ષણાધિકારીની કચેરી દેવભૂમિ દ્વારકા પ્રેરિત શાળા સંકુલોમાં ૧પ મી ઓગસ્ટ સ્વતંત્રતા દિવસની ઉજવણીના ભાગરૂપે દેવભૂમિ દ્વારકા જિલ્લાના તમામ તાલુકાઓમાં નિબંધ, કાવ્ય અને ક્વિઝ સ્પર્ધાઓનું આયોજન કરવામાં આવ્યું હતું.
આ સ્પર્ધાઓમાં જિલ્લાની માધ્યમિક અને ઉચ્ચતર માધ્યમિક શાળાઓમાં અભ્યાસ કરતા વિદ્યાર્થીઓ પૈકી શાળા કક્ષાએ પ્રથમ ક્રમ મેળવેલ વિદ્યાર્થીઓને દરેક તાલુકાના શાળા વિકાસ સંકુલ કક્ષામાં નિબંધ, લેખન, કાવ્ય લેખન તથા ક્વિઝ સ્પર્ધાનું આયોજન કરાયું હતું.
ભાણવડ તાલુકાના બરડા શાળા વિકાસ સંકુલ અને શ્રી વી.એમ. ઘેલાણી સરકારી હાઈસ્કૂલમાં આ સ્પર્ધાઓનું આયોજન કરાયું હતું. જેમાં તાલુકાની જુદી-જુદી ૧ર જેટલી માધ્યમિક અને ઉચ્ચતર માધ્યમિક શાળાઓના ૩૩ જેટલા વિદ્યાર્થીઓએ વિવિધ સ્પર્ધામાં ભાગ લીધો હતો. સ્પર્ધામાં પ્રથમ અને દ્વિતીય નંબર મેળવેલ વિદ્યાર્થીઓની કૃતિ જિલ્લા કક્ષાની સ્પર્ધા માટે પસંદ કરવામાં આવી છે. ઉપરાંત એસવીએસ દ્વારા તમામ વિજેતા વિદ્યાર્થીઓને ઈનામ અને પ્રમાણપત્ર તથા ભાગ લેનાર તમામ વિદ્યાર્થીઓને પ્રમાણપત્ર આપી સન્માનિત કરવામાં આવ્યા. સમગ્ર કાર્યક્રમનું આયોજન એસ.વી.એસ કન્વીનર કે.એસ. પાથર તથા મદદનીશ બી.એસ. મહેતા દ્વારા કરવામાં આવ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
